Kryeministri Edi Rama me rastin e festave të fundvitit ka organizuar një pritje me mësuesit në Pallatin e Kongreseve. Shefi i qeverisë premtoi se deri në fund të mandatit të dytë, cdo vit rroga e mësuesve do të rritet, ndërsa e tija jo.
“Ne kemi në program rritjen e pagave të mësuesve. Edhe pse është bërë shumë, megjithatë është shumë më pak se duhet të jetë, prandaj do të vazhdojmë rritjen e pagave për mësuesit. Do të jemi shumë kërkues
Paga ime padrejtësisht është më e madhe se e juaja, ne do ta ngushtojmë këtë diferencë. Nuk premtoj se në fund të 4 vite do të barazohet, por u premtoj se e imja nuk do të rritet, por e juaja cdo vit do të rritet” premtoi ai.
Më tej Rama foli për një reformë të thellë në arsim në aspektin e drejtimit për 2018. “Është me shumë rëndësi fuqizimi i profesionalizmit mes mësuesve me garantimin e një vazhdimësie të kërcënuar për shkak të lënies pas dore të mësuesisë dhe transformimit në një kategori të dytë.
Me rëndësi është edhe shkolla e drejtorëve për të mundësuar rritjen e kapaciteteve në drejtimin e shkollave. Ndër vite është bërë vetëm politikë shpërblimesh për drejtorët, por shkolla e drejtorëve do të na ndihmojë për të profilizuar dhe fuqizuar një figurë drejtuesi.
Reforma e mësuesisë do të jetë e gjerë dhe e thellë dhe faktikisht do të synojë që ta konsolidojmë atë bazë që kemi vendosur për ta bërë figurën e mësuesit një autoritet të padiskutueshëm. Vitin tjetër do të fillojmë zbatimin e reformës së drejtimit në arsim duke transformuar strukturimin e DAR” përfundoi ai.
dy.b/shqiptarja.com
Sondazhi i ditës:
A po jep rezultate lufta e SPAK ndaj grupeve kriminale?
Po
74.4%
Jo
18.8%
Nuk e di
6.9%
Vota total: 3468
Votat totale janë unike
Sondazhi i ditës:
A po jep rezultate lufta e SPAK ndaj grupeve kriminale?