Rama publikon video nga rruga e Arbrit: 'Magneti' që do udhëheqë këdo drejt mrekullive të pazbuluara të Dibrës

Kryeministri Edi Rama ka publikuar një video nga punimet në rrugën e Arbrit, teksa ka shpjeguar "me fjalë të thjeshta" se çfarë janë PPP-të. Rama vë theksin e kjo rrugë do t'u shërbejë jo vetëm dibranëve, por çdo njeri dhe do të jetë dhe si një "magnet" që do të tërheqë këdo drejt mrekullive natyrore të Dibrës.

"VIJON... shtrirja e gjurmës së Rrugës së Arbërit, përgjatë të cilës do të shpaloset jo vetëm për dibranët, po për të gjithë shqiptarët dhe flukset e turistëve që kjo rrugë do të tërheqë drejt mrekullive natyrore të Dibrës, një tjetër pjesë e panjohur e trupit të mahnitshëm të Shqipërisë që duam.

Rruga e Arbërit është një vepër inxhinierike komplekse, e cila po bëhet realitet pas dhjetra e dhjetra vitesh pritje e premtime, falë një Partneriteti Publik Privat, ku kompania investon kapital privat për realizimin e saj, BRENDA VITIT 2021, ndërsa shteti e shlyen kompaninë, BRENDA VITIT 2031.

(Ata që nuk dinë ç’janë PPP-të dhe hutohen e çoroditen nga gojët e shthurrura të politikanëve e komentatorëve parazitë, hipokritë e cmirëzinj, ja ku e kanë një shembull të thjeshtë: Atë që shteti mund ta bënte për 13 vjet (sepse ka edhe shume e shumë gjëra të tjera për të bërë dhe s’’mund t’i hedhë tërë ato fonde në gjë të vetme), investimi i kapitalit privat e bën për 3 vjet, në marrëveshje me shtetin, që garanton shlyerjen e investimit", shkruan Rama.

B.K./Shqiptarja.com

TAG:
• edi rama
• rruga e arbrit