Kryeministri Edi Rama ka ndarë sot disa pamje nga panairi i turizmit në Berlin, Gjermani, ku Shqipëria mbante”vendin e nderit”.

“Shqipëria turistike i flet botës nga Berlini”, shkruan Rama bashkëngjitur videos së publikuar.

Një ditë më parë në hapjen e panairit, gjatë fjalës së tij, Rama tha vuri në dukje historinë e një vendi të izoluar dhe pa turizëm, të shndërruar tashmë në destinacion botëror.

Po ashtu kreu i qeverisë ftoi gjermanët të vizitojnë Shqipërinë duke treguar edhe disa nga bukuritë natyrore që ka vendi ynë.

Rama mori shembullin e plazheve të Ksamilit që ngjajnë me Bora-Bora apo peizazhet e Thethit dhe Valbonës.

Panairi do ketë 5800 ekzpozues nga qindra vende të botës, deri më 2034 parashikohen mbi 100 mln vende pune të reja në botë.