POP 5

Lajmet më të lexuara të 5 minutave të fundit

Politikë

Rama: Reforma territoriale për
opozitën veto e bashkëkryesim

Mazhoranca i krijon të gjitha kushtet opozitës që të marrë pjesë në reformën e territorit, kërkesë kjo e kahershme e partnerëve tanë nëdërkombëtarë.
Rama: Reforma territoriale për<br />opozitën veto e bashkëkryesim
TIRANE- Mazhoranca i krijon të gjitha kushtet opozitës që të marrë pjesë në reformën e territorit, kërkesë kjo e kahershme e partnerëve tanë nëdërkombëtarë. Kyeministri Edi Rama ftoi opozitën të jetë pjesë e komisionit të posaçëm kuvendor për reformën territoriale, ku shprehu gatishmërinë t’i njohë të drejtën e bashkëkryesimit dhe të gjitha të drejtat që garantojnë barazinë, përfshirë edhe veton. Deklarata ka ardhur në ceremoninë e nënshkrimit të "STAR" projekti i asistencës ndërkombëtare, në mbështetje të qeverisë shqiptare për reformën administrativo-territoriale, ku Rama u shpreh se maxhoranca i ka votat që këtë herë politika shqiptare të mos jetë pengesa e papërgjegjshme, por dëshiron pjesëmarrjen e opozitës.

“Kjo është kryereforma. Ka dhe votat e shumicës së cilësuar që lypset për ta kaluar në Kuvend. Votat e shumicës që Aleanca e Shqipërisë Europiane i ka, janë arsyet e fundit për të besuar se këtë herë politika shqiptare nuk mund të jetë pengesa e papërgjegjshme tradicionale. Por duam që këtë reformë ta udhëheqë Kuvendi me një komision të posaçëm kuvendor. Jo vetëm dëshirojmë pjesëmarrjen e plotë të opozitës në hartimin e projektit të reformës, por kemi gatishmërinë që në bazën e praktikës së mirë t’i njohim opozitës të drejtën e bashkëkryesimit e të gjitha të drejtat që garantojnë barazinë në komision përfshirë dhe veton siç është përdorur në praktikën e komisionit të reformës zgjedhore”, tha ai.

Përgjigja Ramës vjen një ditë pas tryezës së përbashkët e PD dhe aleatëve të djathtë nga ku doli një qëndrim i përbashkët i opozitës se nëse nuk jepet e drejta e vetos s’marrin pjesë në komision. Për të kjo reformë s'ka lidhje me interesat partiake dhe shprehet i hapur për të mirëpritur çdo sugjerim. “Jemi të hapur dhe mirëpresim çdo ide, sugjerim dhe kontribut nga të gjithë në çdo nivel parlamentar a komunitar.

Dëshirojmë dhe urojmë që opozita ta nxjerrë jashtë axhendës së aksionit të vet legjitim antiqeveritar këtë temë të madhe të politikës dhe të mos mungojë në rrugën e reformës me interes të madh kombëtar publik e komunitar. Vizioni ynë s’lidhet me asnjë inters partiak në favor apo kundër një pale”, tha Rama.

Projekti “STAR”, firmosin Çuçi-Oruc
 Në ambientet e Kryeministrisë u mbajt dje ceremonia e nënshkrimit të projektit STAR, projekt i asistencës teknike që do mbështesë gjithë etapat e reformës së re administrativo-territoriale. Ky projekt mbështetet financiarisht nga qeveria suedeze, qeveria amerikane, qeveria zviceriane dhe PNUD-i. Reforma admistrativo-territoriale është një nga reformat më të rëndësishme strukturore të shtetit që do të përmirësojë diametralisht shërbimet publike për qytetarët.

Kjo reformë do të fuqizojë qeverisjen vendore e do krijojë hapësira të reja për zhvillim social-ekonomik të vendit. Do jetë një reformë gjithëpërfshirëse, transparente dhe do të konsultohet gjerësisht me komunitetet vendore e grupet e interesit. Projekti STAR u nënshkrua nga Ministri i Shtetit për Çështjet Vendore, Bledar Çuçi e Znj.Yesim Oruc, Drejtoreshë e PNUD-it në Shqipëri.


Shkrimi u publikua sot (23.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Behgjet Pacolli: Kam dy vajza nga lidhje jashtëmartesore

Behgjet Pacolli: Kam dy vajza nga lidhje jashtëmartesore

29 Nëntor, 09:32