Kryeministri Edi Rama ka thumbuar gjatë seancës kryetarin e grupit parlamentar të PD, Edmond Spaho. Rama i është drejtuar Spahos që të dëgjojë fjalimin e deputetit të ri, Klevis Balliu, djali i botuesit Fahri Balliu, dhe jo të shohë atë. "Mirë unë po ti, pse nuk dëgjon djalin e Fahriut, po më sheh mua?", i është drejtuar Rama Spahos. I menjëhershëm ka qenë reagimi i Klevis Balliut i cili ka kërkuar replikë me Ramën. Me ironi, deputeti demokrat i ka kërkuar Ramës të japë dorëheqje dhe të kërkojë amnisti te Presidenti. 

Por kreu i qeverisë i është përgjigjur përmes batutës: "Thuaji babit të na ulë me Presidentin...", duke provokuar edhe faktin tjetër, atë të raporteve miqësore mes Fahri Balliut dhe ish-kryetarit të LSI, Ilir Meta, pavarësisht nga linja zyrtare e Partisë Demokratike në marrëdhëniet me këtë forcë politike herë të tensionuara e herë të paqta e bashkëpunuese. 

Batutat dhe replikat në Kuvend:
Rama-Spahos: Mirë unë po ti, pse nuk dëgjon djalin e Fahriut, po më sheh mua?

Klevis Balliu- Ramës: Jep dorëheqjen dhe fut një mik te Presidenti të të japë pafajsinë...

Rama: Thuaj babit t’i thotë Presidentit...

Klevis Balliu pa mikrofon: Kërkoj replikë!

Rama: Për çfarë e do?!

Klevis Balliu: Më përmendët familjen, më jepni replikë! Kam 27 vjet që ju dëgjoj, na e jepni fjalën neve tani.

Rama: Hajde ulu me mua… hajde ulu me mua...

Klevis Balliu: Nuk ulem unë aty se janë karriget e vjetra. Do të ulem tek ato të rejat që po vijnë. 
Babai im ka 27 vjet që kërkon debat me ty dhe t’i fshihesh, aty e ke akoma të pret. Për Presidentin të hyj unë mik dhe ta japim pafajsinë. 

Rama: Dakord!

Redaksia Online
l.q/Shqiptarja.com