POP 5

Lajmet më të lexuara të 5 minutave të fundit

Arkiva

Rama: Rivaliteti mes
nesh nuk na bën keq

“ Ka nga ata që e shohin Ilir Metën si nevojë. Ilir Meta është pjesë e pushtetit. Ai e ka bërë zgjedhjen e tij dhe nuk kemi ç’ti themi për sa kohë ai e ka bërë zgjedhjen. Jemi të mjaftueshëm për të shkuar në çdo derë dhe për t’i folur çdo zemre”, deklaroi kreu i opozitës në Asamblenë Kombëtare.
Rama: Rivaliteti mes <br />nesh nuk na bën keq
TIRANË – Në fillimin e mbledhjes së Asamblesë Kombëtare, kryetari i PS-së, Edi Rama e ka cilësuar këtë forum si Asmableja e betejës së ardhshme zgjedhore, që do çojë derë më derë programin e ri të PS dhe do të jetësojë reformën e re organizative të partisë.
“Fjalëkyçi i Asamblesë deri në ditën e numërimit të votës së fundit të shqiptarëve në zgjedhjet e ardhshme është territori.
Unë propozoj ngritjen e komiteti për territorin , adaptim i modelit të konservatorëve anglezë.
Ai jep zë ne prani të kryetarit të PS apo kryeministrit të ardhshëm të qeverisë shqetësimit të qytetarëve. Është hallka që nuk shkëput partinë ose drejtuesit e saj nga territori dhe njerëzit”, tha kryesocialisti.

Sipas Ramës viti 2012 do jetë viti i shtjellimit të programit të ri politik të partisë. Ai komentoi edhe kritikat drejtuar nga ata që njihen si kundërshtarët e Ramës në drejtimin e PS-së.

“Problemi ynë nuk janë rivalitetet mes njëri tjetrit, port të bërit keq ndaj njëri tjetrit në të gjitha nivelet. Nuk duhet të shkatërrojmë gjithçka për shkak të rivaliteteve të shëndetshme.
Duhet të kuptojmë se duhet të bëjmë punën tonë përpara së të shohim punën e tjetrit. Betejën e re do t’a fitojmë të githë së bashku, ndaj ta bëjmë realitet programin pa humbur kohë me kundërvënie të padobishme. Dhe këtu e kam fjalën për të gjithë ne”, tha Rama në Asamblenë e PS-së.

Kryesocialisti tha se vetëm organizimi i mirë i partisë së drejtuar prej do të jetë çelësi i suksesit.

“ Ka nga ata që e shohin Ilir Metën si nevojë. Ilir Meta është pjesë e pushtetit. Ai e ka bërë zgjedhjen e tij dhe nuk kemi c’ti themi për sa kohë ai e ka bërë zgjedhjen. Jemi të mjaftueshëm për të shkuar në çdo derë dhe për t’i folur çdo zemre”, deklaroi kreu i opozitës.


“Qëllimi ynë është largimi përfundimisht i duarve të partive politike nga kutitë. Kemi 12 prioritete për të plotësuar si vend dhe Evropa e nis nga zgjedhjet. Sidomos nga zgjedhjet në Tiranë. Saliu është i palëkundur në fjalën e tij: fajin e ka opozita. Por, ne do të vazhdojmë të tregojmë të kundërtën”, tha Rama, ndërsa prezantoi grupet e punës për prezantimin e programit, ku mes drejtuesve janë edhe Andis Harasani dhe Marko Bello.

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54