Rama: Si e njoha unë Lucio-n

TIRANË – Kryesocialisti Rama ka dalë këtë të djelë nga kornizat politike të komenteve të tij në rrjetet sociale. Ai ka reaguar lidhur me humbjen e madhe në botën e muzikës, pas vdekjes së artistit Italian Lucio Dalla. Ai ka sjellë në kujtesë takimin me Dallas, vite më parë kur Rama ishte ministër i kulturës.
“Homazh Lucio Dalla-s në ditën e funeralit të tij. Ishim miq dhe e kujtonte gjithnjë me nostalgji Tiranën e koncertin fantastik që bëri këtu. Artist i madh, përvecse një kengetar legjendar për Italinë, provokator gjenial kundër të vjetrës dhe qytetar i angazhuar në beteja sociale”, shkrujati Raman ë Twitter.
Kryesocialisti, ndryshe nga ditët e tjera, sot ka hedhur pak nostalgji edhe në sportin e tij të preferuar, basketbollin, një tjetër hobi i këngëtarit Lucio Dalla.
“Një mik sportist për Lucion: Më erdhi keq. Kujtova një natë në Tiranë ku ishim bashkë dhe folëm për basketbollin. Se harroj sa më pasion fliste”, përfundon dedikimi i kreut të PS, në ditën e lindjes e si për ironi të fatit edhe ditën e homazheve të lamtumirës për këngëtarin e madh Italian.

(aq/shqiptarja.com)

/Shqiptarja.com