Ka qenë kryeminsitri Rama i pari i cili ka uruar Hashim Thaçin për postin e presidentit. Përmes një postimi në rrjetin social Facebook Rama shkruan se është i bindur se ai do të qëndrojë në lartësinë e duhur dhe do të këta si sukses të tij të parë zgjidhjen e krizës që ka përfshirë vendin

"Urime Zoti President! Kam bindjen do te jesh ne lartesine e detyres e uroj suksesi i pare te jete tejkalimi i krizes "-shkruan Rama me hashtagun Kosoves i Duhen Te Gjithe‬

Hashim Thaçi është zgjedhur në raundin e tretë President i Republikës së Kosovës me 71 vota kundrejt kundërshtarit të tij Rafet Rama  i cili nuk arriti të merrte asnjë votë. Në dy raundet e para, Thaçi nuk arriti të merrte 80 votat e nevojshme për tu zgjedhur në krye të shtetit.

Meta: Urime Thacit për Presidencën
Edhe kreu i Kuvendit Ilir Meta uron presidentin Thaci për marrjen e presidencës

Bushati: Urime HashimThaciRKS për detyren e Presidentit
Shefi i diplomacisë shqiptare Ditmir Bushati ka preferuar rrjetin social Twiter për të uruar Thacin. Ai shkruan: Urime HashimThaciRKS për detyren e Presidentit & sfidën e çuarjes së Kosovës përpara! Mirënjohje Presidentes Jahjaga për kontributin e saj

Topi: Uroj që Thaçi të përballojë me sukses sfidat e shtetit
Edhe ish-presidenti Bamir Topi ka uruar Hashim Thaçin për marrjen e kreut të shtetit.

"Uroj që Thaçi të përballojë me sukses sfidat e shtetit. Kosova me presidentin e ri uroj të vazhdojë përpjekjet drejt integrimit euro-atlantik"-shkruan Topi

Majko: E verteta, eshte gjithmone ne numer njejes.
Edhe ish-kryeminsitri i Shqipërisë Pandeli Majko ka zgjedhur rrjetin social Facebook për ti shprehur urimet Kosovës për presidentin e ri. E vërtëta është në numër njëjës shkruan Majko në statusin e tij

"Urime Presidentit te ri te Kosoves, Hashim Thaci. Prishtina politike pohoi vetveten duke prodhuar ate qe ekziston. Realizmi ne politike, ne pergjithesi, nuk eshte as frymezues dhe nxites. Udhetimi HashimThacit nga Rambujeja ne Presidence eshte pjese e historise se re te Kosoves. E verteta, eshte gjithmone ne numer njejes."-shkruan Majko

Redaksia online
(S.m/shqiptarja.com)