TIRANË – Kryetari i PS, Edi Rama ka ironizuar në rrjetin social “Twitter” deklaratat e kryeministrit Berisha në mbledhjen e qeverisë për rritjen ekonomike.
“Qeveria u propozon shqiptarëve të jenë të lumtur sepse s`ka krizë ekonomike, as papunësi as padrejtësi po veç arritje të mëdha botërore” ka theksuar Rama.Ndërsa i ka cilësuar si gënjeshtra deklaratat e shefit të qeverisë, Rama ka shtuar se opozita propozon një rilindje shqiptare.
“Ne propozojmë një rilindje shqiptare për të lënë pas avazin e vjetër të gënjeshtrave e rimëkëmbur së bashku ekonominë, shoqërinë, shtetin”, shkruan Rama në Twitter.
(aq/shqiptarja.com)