POP 5

Lajmet më të lexuara të 5 minutave të fundit

Politikë

Rama takon banorët në Zallbastar:
Analfabetizmi kap shifrat prej 15 %

Kryetari i Partisë Socialite, Edi Rama është ndalur sot në komunën Zallbastar, ku ka zhvilluar biseda dhe takime me banorët e zonës në lidhje me problemet e arsimit në vendin tonë, duke evidentuar se analfabetizmi po shtohet nga viti në vit, duke kapur shifrat prej 15 %.
TIRANE - Kryetari i Partisë Socialite, Edi Rama është ndalur sot në komunën Zallbastar, ku ka zhvilluar biseda dhe takime me banorët e zonës në lidhje me problemet e arsimit në vendin tonë, duke evidentuar se analfabetizmi po shtohet nga viti në vit, duke kapur shifrat prej 15 %. Ai ka siguar banorët se hapi i parë që do merret nga PS-së në qeverisje do jetë transporti për fëmijët dhe mësuesit:

“Analfabetizmi shtohet vit pas viti, sot shifrat thonë që ka shkuar 15%. 15% analfabetizëm në mes të Europës është një tmerr. Dhe nga ana tjetër jemi përballë faktit që rrënimi vazhdon. Ndërkohë që flasim për BE, çfarë do jenë nesër të gjithë këta fëmijë që rriten në këto situata si qytetarë të Bashkimit Europian dhe me çfarë dijesh do ta përballojnë Bashkimin Europian. Ne nuk duam që nesër fëmijët e sotëm të zonave rurale të Shqipërisë të jenë çirakë në BE-në, por duam që të jenë qytetarë me dije të mjaftueshme për ta përballuar sfidën e hapjes”, u shpreh Rama.

Gjithashtu banorët e zonës kanë shprehur si shqetësim kryesor edhe transportin e fëmijëve për në shkollë, pasi shumë familje janë të varfra dhe transporti nuk sigurohet nga shkolla, ata nuk ka rrugë tjetër vetëm të mos i dërgojnë fëmijët në shkollë, pasi duhet më shumë se 2 orë për të vajtur. Të njëjtën problem hasin edhe mësuesit, që në shumicën e rastve nuk vinë të japin mësim.

“Transporti sot është një problem shumë i madh. Mungesa infrastrukturës sjell edhe këto vështirësi në arsim. Shkolla është shumë larg dhe nxënësve ju duhet dy orë për të ardhur në shkollë. Kështu që një pjesë nuk e vazhdojnë, e kanë braktisur shkollën, sidomos braktisje kemi nga femrat. është rrënqethës dhe në momentin e parë duhet zgjidhur. Duhet garantuar në të gjithë territorin transporti për fëmijët dhe për mësuesit” tha Rama në bisedat me banorët.
Në takimet që zhvilloi në Zallbastar, Rama ishte i shoqëruar nga deputetët Xhemal Qefalia dhe Artan Gaçi.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31