TIRANË - Një ditë pasi kanë dorëzuar listat në kryeministri Sali Berisha dhe kreu i PS-së kanë komentuar në rrjetet sociale. Për Berishën impakti i listës ishte shumë pozitiv dhe u shpreh i bindur në fitore.

Ndërsa për Ramën pas dorëzimit të listave tani është koha të flitet për Shqipërinë dhe për këtë Rama informoi dhe vizitën e tij nesër në Kopenhagen me deputetet Ditmir Bushati dhe Ermonela Felaj per te treguar programin e Rilindjes.

"Më në fund s'do flitet për lista po për Shqipërinë që duam.Qysh nesër në Kopenhagen, me KM e një vendi fantastik që duam ta kemi më pranë.

BERISHA: IMPAKTI POZITIV
“Impakti i listës ishte shumë pozitiv. Ekipi i fitores për 4 vitet që vijnë”. Ky ka qenë thelbi i reagimit të kryeministrit dhe kryetarit të Partisë Demokratike, Sali Berisha për listën e deputetëve të PD-së, të shpallur mbrëmë pas dorëzimit në Komisionin Qendror të Zgjedhjeve të listave të kandidatëve për deputetë. Këto komente Berisha i ka bërë në faqen e tij në Facebook, duke shprehur edhe “mirënjohje ndaj të gjithë bashkëpunëtorëve të tij për kontributin dhe mbështetjen e çmuar në 4 vitet që shkuan”. Berisha ftoi “të gjithë anëtarët, simpatizantët, mbështetësit e Partisë Demokratike dhe Aleancës për Punësim, Mirëqenie dhe Integrim të ecim së bashku drejt mandatit të tretë, mandatit të Shqipërisë së zhvilluar, Shqipërisë Europiane. Fitore! Sb”.


Drejt Danimarkes me deputetet Ditmir Bushati&Ermonela Felaj per te treguar programin e ambicien tone per te rilindur Shqiperine #RILINDJE  

berisha ne facebook per listat
(Foto: Postimi i Berishes ne facebook)

(ma/sg/shqiptarja.com)