POP 5

Lajmet më të lexuara të 5 minutave të fundit

Politikë

Rama:Tatimet dhe Doganat
kapërcyen kufirin e parashikua

Kryeministri Edi Rama ka përshëndetur raportin e Tatimeve dhe Doganave për muajin shkurt që sipas tij  “kapërcyen kufirin e parashikuar nga plani i këtij viti”. 
Rama:Tatimet dhe Doganat<br />kapërcyen kufirin e parashikua
TIRANË- Kryeministri Edi Rama ka përshëndetur raportin e Tatimeve dhe Doganave për muajin shkurt që sipas tij  “kapërcyen kufirin e parashikuar nga plani i këtij viti”.

Në një postim në rrjetin social Facebook, kryeministri Rama shkruan se për të dytin muaj radhazi “nën vëzhgimin e rreptë të Fondit Monetar Ndërkombëtar, Doganat dhe Tatimet kapërcyen kufirin e parashikuar nga plani i këtij viti; një plan shumë ambicioz dhe mjaft i vështirë, i cili po përballohet deri tani me një sukses që përbën një sinjal të sigurt se rilindja e shumëpritur ekonomike do të jetë realitet i prekshëm i këtij viti kthese vendimtare për ekonominë e Shqipërisë.”
 
PLANI, TATIMET KANË MBLEDHUR 1.2 MILIARD MË SHUMË

Në vijim kryeministri, njëkohësisht kreu i PS-së, Edi Rama bën të ditur shifrat e të ardhurave që janë realizuar nga dy drejtoritë, Tatimore dhe Doganore.
 
Adminstrata Tatimore ka realizuar planin me 102.5 % duke mbledhur 12 miliardë e 295 milionë lekë të ardhura, 1.2 miliard lekë më shumë se e njëjta periudhë e vitit të kaluar, ose një rritje prej rreth 16% më shumë.

Administrata Doganore ka realizuar planin e të ardhurave për muajin Shkurt 104 % duke arkëtuar 393 milionë lekë më shumë se plani dhe 1.2 miliard lekë më shumë se muaji shkurt 2013.

Të dhënat e përmbledhura të dymujorit Janar - Shkurt 2014, tregojnë se janë mbledhur në total 26 miliardë e 262 milionë lekë, dhe krahasuar me të njëjtën periudhë të vitit 2013, rritja është 2 miliardë e 639 milionë lekë ose 11.2 % më shumë.
 
Në një konferencë për mediat mesditën e sotme, drejtoresha e Tatimeve, Brisida Shehaj raporti për të ardhurat që ka mbledhur kjo drejtori në muajt janar dhe shkurt,  mblodhi 639 miliardë lekë më shumë, se vitin e kaluar.

Redaksia online
(esh/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku