Rama u rrëfen socialistëve
pse dështuan negociatat

TIRANE- Një buzëqeshje ishte përgjigja e vetme që kryeministri Rama dha për mediat, menjëherë pas përfundimit të mbledhjes së grupit të PS dje në orën 19:00. Për më shumë së 60 minuta, kreu i PS, njëherësh kryeministri Edi Rama ka informuar deputetët e tij për negociatat që ka zhvilluar me eurodeputetin Kukan dhe kërkesat e opozitës për të thyer bojkotin.

Rama ka qenë i hapur me deputetët e tij kur ka treguar se së bashkur me kreun e Kuvendit, Ilir Meta kanë vendosur të mos hedhin asnjë firmë mbi marrëveshje apo propozime të bëra nga opozita, ndërkohë që do të jenë të hapur për të pritur në parlament dhe për të pranuar çdo kërkesë të ardhur prej saj.