POP 5

Lajmet më të lexuara të 5 minutave të fundit

Politikë

Rama ultimatum koordinatorëve të
PS: Në janar zgjidhni krerët në degë

Mbledhja e sotme e koordinatorëve të PS-së me kryetarin Rama ka konkretizuar disa afate të reja për zhvillimin e punëve në parti. Ndryshe nga c’ishte parashikuar nga Asambleja që procesi zgjedhor në bazë të përmbyllej në dhjetor, dhe në janar të mblidhej kongresi, vonesat kanë shtyrë afatet.  VIDEO
Rama ultimatum koordinatorëve të<br />PS: Në janar zgjidhni krerët në degë
TIRANE- Mbledhja e djeshme e koordinatorëve të PS-së me kryetarin Rama ka konkretizuar disa afate të reja për zhvillimin e punëve në parti. Ndryshe nga ç’ishte parashikuar nga Asambleja që procesi zgjedhor në bazë të përmbyllej në dhjetor, dhe në janar të mblidhej kongresi, vonesat kanë shtyrë afatet.

Kështu, procesi i zgjedhjes së kryetarëve të organizatave do të përmbyllet brenda muajit janar, teksa është lënë të punohet për përgatitjen e kushteve që brenda këtij muaji të mund të zgjidhen kryetarët e partisë për 61 degët e PS-së, që përbëjnë 61 bashkitë e vendit. Në ato bashki ku procesi i zgjedhjeve në organizata ka mbaruar, nuk mund të zhvillohen ende zgjedhjet për kryetar pasi procesi do të zhvillohet në një ditë të vetme për të gjitha bashkitë e vendit. Këto degë të partisë që kanë ecur me afatet, gjatë muajit janar do të punojnë me zgjedhjen e delegatëve për në Kongresin e  PS-së, mbledhja e të cilit është e pamundur në janar, dhe afati më i mundshëm është marsi.

Përcaktimin e numrit te delegateve do të bëhet sipas kritereve te përcaktuara ne asamble  në korrik të vitit të shkuar, sipas parimit 1 delegat për 100 anëtarë partie dhe do të respektohet kuota gjinore 50% gra, nismë kjo e paraqitur nga kryeministri Rama. Deputetët dhe kryebashkiakët nuk do të lejohen të garojnë për postin e drejtuesit të degës së bashkisë për Partinë Socialiste. Vendimi i asamblesë së PS-së i konsideron këto pozicione të papajtueshme, madje ka vendosur që kreu i PS-së të mos jetë i punësuar në pozicione drejtuese shtetërore, por të jetë një i punësuar i partisë, që do të paguhet me fondet  e kësaj të fundit.

Ky rregull përjashton nga e drejta e rizgjedhjes, një grup deputetësh dhe kryebashkiakësh që aktualisht po drejtojnë disa degë të rëndësishme të PS-së. Kështu, deputeti Namik Kopliku, i cili deri më tani drejton degën e  PS-së për Shkodrën, nuk do të jetë më pjesë e garës. Po ashtu edhe kolegu i tij i Qarkut të Dibrës, Ulsi Manja nuk do të mund të kërkojë një mandat tjetër për drejtimin e degës. Në garën për qytetin e Durrësit do të jetë i privuar kryetari aktual, deputeti Gentian Bejko. Dega e rrethinave të Tiranës, do të shkrihet, dhe bashkë me të edhe deputeti Pjerin Ndreu, nuk do të jetë pjesë e garës.

“I privuari” më i rëndësishëm duket se do të jetë Ministri i Brendshëm, Saimir Tahiri, i cili nuk do të mund të drejtojë degën më të madhe të PS-së, atë të kryeqytetit. Megjithëkëtë, ai ka një detyrë partiake më të rëndësishme, rolin e koordinatorit për rajonin Tiranë-Durrës. Në Kavajë nuk do të mundë të kandidojë deputeti Parid Cara, ndërsa në Lushnjë, deputeti Bujar Çela. Një tjetër deputet që nuk do të jetë pjesë e garës, është Ilir Xhakolli i cili aktualisht drejton degën e PS-së për Pogradecin. Në Librazhd kryetari aktual i degës së PS-së, Kastriot Gurra është zgjedhur kryebashkiak, dhe si i tillë nuk do të jetë pjesë e garës.

Kryebashkiakja tjetër që aktualisht drejton një degë të PS-së, është Luljeta Dollani. Ajo nuk do të garojë më për bashkinë e Gramshit si kryetare e degës së PS-së. Ndërkohë, individë me kontribute ndër vite në PS, apo të ardhur rishtaz dhe me ambicie, kanë filluar të lobojnë brenda anëtarësisë së njësisë. 

Redaksia online
(u.s/shqiptarja.com)
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

SHBA/ Trump u ndaloi gazetarëve të ndjekin momentin kur ai votoi

SHBA/ Trump u ndaloi gazetarëve të ndjekin momentin kur ai votoi

5 Nëntor, 22:34