Në një postim në rrjetin social Facebook, Rama duke postuar dy dokumentet, atë të arrestimit dhe gjykatës, shkruan se në burg, sipas Kodit Penal të Republikës së Shqipërisë, shkojnë 3-5 vjet vetëm ata që kapen duke e vjedhur energjinë.
“Ju thanë që ishte në burg për 35 mijë lekë të vjetra apo jo? Shikojini këto dy dokumenta që ta kuptoni kollaj fare se ç’është politika e hienave! Nuk hyn askush në burg për borxhe ndaj OSSHE-së, kush ka borxhe lidh marrëveshjen me kompaninë ose i ndërpriten dritat. Në burg, sipas Kodit Penal të Republikës së Shqipërisë, shkojnë 3-5 vjet vetëm ata që kapen duke e vjedhur energjinë. Prandaj kush këtu ha symbyllur bar Shqupi të vaditur me lotë krokodili, nuk i shet dot kujt as mend e as moral jo e jo!”, shkruan Rama.
Në një tjetër postim, Rama , sulmin e PD ndaj OSHEE e ka cilësuar një politikë hineash.
“Sulmi i PD ndaj OSHEE politike hienash qe ushqehen me kërmat e dështimeve te viteve te humbura te Shqipërisë! #Shqiperia do te behet me patjetër”, shkruan Rama.
Redaksia Online
(g.f/Shqiptarja.com)