DURRES - Kryeministri Edi Rama ishte sot në Durrës ku inspektoi punimet në rivitalizimin e sheshi “Iliria” në qendër të qytetit bregdetar. Vizita e kryeministrit Rama erdhi e papritur pasi shefi i qeverisë ishte parashikuar të ndodhej në Tiranë në një aktivitet në bulevardin qëndror me rastin e Ditës së Verës.
 
Por siç duket kryeministri ka anuluar pjesëmarrjen e tij në Tiranë, ndërsa Rama ka zgjedhur që të inspektojë punimet në sheshin “Iliria” ku ka qenë i shoqëruar edhe nga kryebashkiaku Vangjush Dako. Punimet në këtë shesh kanë për qëllim rivitalizimin e sheshit kryesor të qytetit bregdetar.
 
Kryeministri Edi Rama pritet të mbërrijë në Elbasan në orën 12:00 për t’u bërë pjesë e aktiviteteve të organizuara në këtë qytet me rastin e Ditës së Verës. 

Redaksia Online
(e.c/shqiptarja.com)