LEZHË- ‘Rana e Hedhun’, zonë e mbrojtur monument natyre është në rrezik serioz nga rënia e gurëve dhe shkëmbinjve të cilët kanë nisur që të shkëputen nga mali për shkak të punimeve për ndërtimin e rrugës ‘Shëngjin-Velipojë’, nga kompania ‘Gener 2’.

Një pjesë e gurëve kanë rënë te ‘Rana e Hedhun, ndërsa të tjerë rrezikojnë që të shkëputen nga momenti në moment duke vënë në rrezik serioz kështu jetën e pushuesve. Policia e Lezhë ka verifikuar situatën në terren dhe me datë 21 korrik janë referuar materialet në prokurori për firmën zbatuese "Gener 2" për veprën penale "Shkelje e rregullave të sigurisë në punë".

Burimet thanë se janë proceduar në gjendje të lirë ku janë proceduar në gjendje të lirë dy punëtorë të kompanisë "Gener 2". Rruga turistike Shëngjin - Velipoje është investim i qeverisë me vlerë 15 milionë USD që po zbatohet nga Fondi Shqiptar i Zhvillimit ndërsa tenderin e ka fituar "Gener 2" kompania e Bashkim Ulajt.  

Fenomeni që është shfaqur është mjaft  serioz duke qenë se është një monument natyre, ndërkohë që  rrezikohet dhe rënia e shkëmbinjve të tjerë duke vendosur në rrezik serioz pushuesit. Në zonën ku ka pasur më shumë rrëshqitje gurësh, pushuesit janë larguar.