Raporti Britanisë për luftën në Irak
Chilcot: Pushtimi, vendim i nxitua

Pushtimi i Irakut ishte një vendim i nxituar, kështu e cilësoi John Chilcot president i komisionit të hetimit  vendimin e Britanisë së Madhe  për  të ndërhyrë ushtarakisht në Irak  në vitin 2003 për të mbështetur Shtetet e Bashkuara në luftën kundra Saddam Hussein. Në atë kohë qeveria britanike drejtohej nga kryeminisitri Tony Blair.Në raportin e publikuar përmendet edhe Kosova.Në një bisedë mes Bush dhe Blair ky i fundit i thotë presidentit të SHBA se Iraku nuk është Kosovë, as Afganistan e madje nuk është as lufta e Gjirit, duke i siguruar mbështetjen  pavarsisht vështirësive. 
 
“ Nuk ishte një kërcënim i menjëhershëm, ndërhyrja ushtarake nuk ishte opsioni i fundit” u shpreh Chilcot i cili prezantoi  për herë  të parë raportin e shumëpritur për hetimin, mbi arsyet dhe pasojat e angazhimit ushtarak të Britanisë në luftën në Irak përpara 13 vitesh.

Sipas tij armët që supozoheshin se ndodheshin në Irak asnjëherë nuk u gjetën. E vërteta  sipas tij  është se Blair  i kish siguruar atëherë presidentit amerikan Bush  se do ta mbështeste  në këtë aksion me çdo kusht.  Por Blair mbivlerësoi  kapacitetin e tij  për të influencuar  vendimet e Bush. Raporti përfshin detaje të dokumenteve sekrete të qeverisë, vlerësime të Shërbimeve Sekrete, si dhe korrespondencën private mes Blairit dhe ish-Presidentit amerikan Bush, në prag të ndërhyrjes ushtarake.

Nga ana tjetër, Toni  Blair në përgjigjen e tij u shpreh se e mori vendimin me mirëbesim . “Raporti duhet të  pushojë akuzat për keqbesim apo mashtrim",
shkroi Blair  pas publikimit të raportit.

“Pavarsisht nëse njerëzit janë ose jo dakort me vendimin tim për të dërguar forca kundër sadam Hussein . Unë  e mora vendimin me mirëbesim  dhe mendova atë çka është më e mirë për vendin tim. Unë do të marr përgjegjësinë për çdo gabim, pa asnjë justifikim” shtoi Blair.

Redaksia online
(e.m/Shqiptarja.com)