POP 5

Lajmet më të lexuara të 5 minutave të fundit

Politikë

Raporti i BERZH/ Orjola Pampuri: Standardi i jetesës në Shqipëri është përkeqësuar

Raporti i BERZH sipas Pampurit është një këmbanë alarmi dhe të rinjtë largohen sepse ata nuk shohin të ardhme.

Raporti i BERZH/ Orjola Pampuri: Standardi i jetesës në Shqipëri është përkeqësuar

Nënkryetarja e PD-së, Orjola Pampuri

Partia Demokratike thotë se standardi i jetesës është përkeqësuar dhe të rinjtë po largohen nga vendi. Oriola Pampuri thotë se BERZH konfirmoi deklaratat e PD, se qeveria po pengon investimet e huaja.

Pampuri shton se kjo është një kambanë alarmi, pasi çdo ditë që kalon korrupsioni thellohet dhe të rinjtë nuk shohin të ardhme. PD është e vendosur të jetë alternativë e besueshme, thotë ajo, dhe do të ofrojë kushte të barabarta për të gjithë.

Standardi i jetesës në Shqipëri është përkeqësuar.

Kjo qeveri jo vetëm që nuk ka bërë asgjë për shqiptarët, por jeta e tyre vitet e fundit është përkeqësuar edhe më shumë në aspektin ekonomik.

Nuk ka asgjë më të rëndësishme për çdo nënë, për çdo familje, se sa brezi i ri.

E ardhmja jonë.

Kjo qeveri i ka braktisur dhe ata.

Banka Evropiane për Rindërtim dhe Zhvillim në raportin e saj të fundit thekson se pas vitit 2018 qeveria në Shqipëri ka qenë pengesa kryesore për investitorët e huaj dhe inkurajimi i të rinjve për t'u larguar nga Shqipëria.

Kjo është një kambanë alarmi, të cilën PD e ka ngritur shumë herë.

Një qeveri e korruptuar nuk mund të vazhdojë të qëndrojë, sepse çdo ditë që kalon vetëm thellon korrupsionin dhe largon rininë nga vendi, sepse ata nuk shohin asnjë lloj të ardhme.

Partia Demokratike është e vendosur të bëhet një alternativë e besueshme për shqiptarët.

Këtë do ta bëjmë me programin tonë për të rinjtë dhe për krijimin e një klime të mirë biznesi për investitorët vendas dhe të huaj.

Kjo qeveri ka krijuar një oligarki, duke thelluar ndarjen dhe duke pasuruar disa në kurriz të të tjerëve.

PD do të ofrojë kushte të barabarta për të gjithë, duke garantuar që liria ekonomike dhe një klimë e mirë biznesi do t'i japin mundësinë secilit të tregojnë aftësinë që kanë dhe të marrin atë që meritojnë.", thuhet në deklaratën e Pampurit.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02