Raporti i BSH: Çmimet e banesave
u rritën me 2.3% në vitin 2015
Ndërsa ka shënuar rënie të vazhdueshme gjatë gjithë këtyre viteve, indeksi i çmimit të banesave u rrit 2.3% në tremujorin e dytë në krahasim me një vit më parë.
TIRANE- Ndërsa ka shënuar rënie të vazhdueshme gjatë gjithë këtyre viteve, indeksi i çmimit të banesave u rrit 2.3% në tremujorin e dytë në krahasim me një vit më parë. E dhëna vjen përmes raportit të Politikës Monetare të Bankës së Shqipërisë për gjysmën e parë të vitit, ku theksohet se gjithsesi indeksi mbetet nën mesataren e pesë viteve të fundit, ndërkohë që çmimet e apartamenteve mbeten dukshëm më të ulëta në raport me ato para fillimit të krizës.
“Indeksi i çmimit të banesave u rrit 2.3% në tremujorin e dytë në krahasim me një vit më parë, ndërsa indeksi i qirasë ra me 0.4%, në terma realë. Pavarësisht luhatjeve afatshkurtra, indekset e çmimeve dhe të qirasë në tregun e banesave qëndrojnë nën mesataren e pesë viteve të fundit”, thekson në raport Banka e Shqipërisë.
ÇmimetGjashtë vitet e fundit, çmimet e apartamenteve kanë shënuar rënie të vazhdueshme, e cila në total vlerësohet mesatarisht 20%. Ndërkohë që për gjysmën e dytë të vitit 2015, raporti i çmimit ndaj qirasë u rrit me 0.3 pikë, në krahasim me tremujorin e parë dhe reflektoi rritjen e çmimit të banesave në tremujorin e dytë.
Prirja e këtij treguesi gjatë pesë viteve të fundit ka qenë lehtësisht rënëse, e ndikuar nga rënia më e theksuar e çmimeve në krahasim me qiranë e banesave. “Dinamika tremujore e indeksit të çmimeve në tremujorin e dytë ka reflektuar rritjen e besimit konsumator dhe lehtësimin e standardeve për kredinë hipotekare. Gjithashtu, bazuar në vrojtimin e aktivitetit kreditues, bankat raportuan se kërkesa e individëve për kredinë për blerje banesash është rritur në tremujorin e dytë. Nga ana e ofertës, rritja e lejeve të ndërtimit gjatë vitit të kaluar sinjalizon për shtim të investimeve në banesa të reja”, thekson në raport Banka e Shqipërisë.
KreditimiBanka e Shqipërisë ka kryer edhe një vrojtim mbi standardet e kreditimit të apartamenteve nga ana e bankave, nga i cili rezulton se standardet e kredisë për individët vlerësohet të jenë lehtësuar gjatë tremujorit të dytë të vitit 2015.
Politika lehtësuese e standardeve të kredidhënies për individë u aplikua si në kreditë për blerje banese, ashtu dhe për atë konsumatore (në një shkallë më të lartë për këtë të fundit). Balancat rezultuan përkatësisht 7.7 dhe 19.8%. Ekspertët bankarë presin që lehtësimi i standardeve për kreditë dhënë individëve të vijojë edhe në tremujorin e ardhshëm; si për kreditë për blerje banese dhe për ato për financimin e konsumit.
Shkrimi u botua në Shqiptarja.com (print) në 13 Gusht 2015
Redaksia Online
(d.a/shqiptarja.com)
Sondazhi i ditës:
A besoni se do realizohet vota e diasporës për zgjedhjet e ardhshme?
-
Po
25%
-
Jo
71.9%
-
Nuk e di
3.1%
Vota total: 32
Lajme të tjera
-
Vranësira dhe reshje shiu, parashikimi i motit për sot
3 Maj, 07:19
-
Koha për të rregulluar problemet e së shkuarës...çfarë thonë yjet për ju sot
3 Maj, 07:03
-
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur
2 Maj, 23:00
-
Qeveria e re e Serbisë me qëndrime të vjetra ndaj Kosovës
2 Maj, 22:48
-
FOTOT/ Protestuesit përplasen me policinë britanike, arrestime masive, ja arsyeja
2 Maj, 22:48
-
‘E dinë mirë qytetarët atë që ka vilën me 13 banjo në Gjirin e Lalëzit’, gazetari Lita: SPAK, shpresë për qytetarët
2 Maj, 22:38
-
Presidenti Begaj takon Tajanin: Italia, partner i pazëvendësueshëm strategjik
2 Maj, 22:30
-
Valteri: Tiku, ti vdes të bëhesh si Veliaj! Lapaj: Më erdhe e mu prezantove si mik i Berishës
2 Maj, 22:26
-
'Kolegët e SPAK', gazetari Bregu: Veliaj nuk sulmoi drejtësinë, ka ndikim të madh te ambasadorët
2 Maj, 22:15
-
Vlorë/ Bie aksidentalisht në det 60-vjeçarja, shpëtohet dhe transportohet në spital (VIDEO)
2 Maj, 21:56
-
“Ti ke shitur mandatin e demokratëve me para”, Prençi përplaset me Valterin! Këshilltari bashkiak: Sa kohë të ketë përballë ty Veliaj, fiton ditë e natë
2 Maj, 21:48
-
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës
2 Maj, 21:44