Të paktën 741 civilë janë ekzekutuar nga militantët e Shtetit Islamik gjatë betejës për qytetin irakian të Mosulit, tha OKB.

Xhihadistët thuhet se kanë kryer rrëmbime masive, kanë përdorur civilët si mburojë, kanë bombarduar shtëpi dhe kanë qëlluar njerëzit që janë përpjekur të ikin.

" Përgjegjësit duhet të përgjigjen për krimet e tyre rrënqethëse," tha shefi i të drejtave të njeriut i OKB Zeid Raad Al Hussein.

OKB tha se 461 civilë vdiqën si pasojë e sulmeve ajrore të koalicionit ushtarak irakian dhe të udhëhequr nga Shtetet e Bashkuara gjatë fazës më intensive të betejës, e cila zgjati nga nëntori 2016 deri në korrik 2017.

Në total, të paktën 2,521 civilë u vranë dhe 1,673 u plagosën gjatë operacionit ushtarak, si rezultat i sulmeve të ISIS, sipas raportit të botuar të enjten nga Misioni i Asistencës së OKB-së për Irakun dhe Zyra e Komisionerit të Lartë të OKB-së për të Drejtat e Njeriut.

Raporti thotë se në fillim të nëntorit 2016, në zonat e Mosulit nën kontrollin e ISIS, anëtarët e grupit përdorën altoparlantë për të njoftuar se banorët e zonave të rimarra nga forcat irakiane të sigurisë konsideroheshin si "objektiva legjitime" për shkak të "dështimit" të tyre për të luftuar trupat  ushtarakë.

mosul

Redaksia Online
a.dr/shqiptarja.com