Drejtoria e Përgjithshme e Tatimeve ka publikuar raportin vjetor për vitin 2025 teksa bën me dije gjendjen e detyrimeve tatimore të papaguara në afat deri në 31 dhjetor 2025. Në total, pa paguar deri në afatin kohor 31.12.2025 janë 194.4 miliard lekë, ndërsa për afatin kohor 01.01.2025 162.5 miliard lekë.

Në detyrimet prej 194.4 mld lekë, të cilat ndiqen deri më 31 Dhjetor 2025, është e përfshirë edhe  vlera prej 13.15 mld lekë, e cila është në proces gjyqësor, ku deri në fund të Dhjetor 2025 zë 6.8 % të  stokut të detyrimeve te papaguara.

Detyrimet e pakësuara gjatë vitit 2025 janë 34.6 mld lekë. Në detyrimet e pakësuara përfshihen  arkëtimet dhe sistemimet e ndodhura gjatë periudhës.

Detyrimet tatimore të papaguara në afat deri më 31 Dhjetor 2025 të specifikuara sipas zërave përbërës  paraqitet si më poshtë:

Detyrimi 60 %

Penalitete 36%

Kamatëvonesa 4%

Në stokun e detyrimeve të papaguara në afat të ndarë sipas llojit të tatimit, Tatim Fitimi zë peshën më  të madhe në stokun e borxhit me 35.5% në vlerë 68.97 mld lekë, e ndjekur nga TVSH me 32.9% në  vlerë 63.89 mld lekë, zëri Sigurimet Shoqërore & Shëndetësore me 13.5% në vlerë 26.29 mld lekë,  Të Tjera me 12.5% në vlerë 24.38 mld lekë, Tatimi në Burim me 3.6% në vlerë 7 mld lekë, TAP me  1.5% në vlerë 2,96 mld lekë dhe DIVA me 0.5% në vlerë 919 mln lekë.

Kliko këtu për të lexuar raportin e plotë

 

Lajmi në përditësim...