POP 5

Lajmet më të lexuara të 5 minutave të fundit

Politikë

Raporti i TIA për korrupsionin 
Rama: Shqipëria mori shuplakë

Kryeministri Rama e quajti lajm të keq renditjen e Shqipërisë në raportin e Indeksit të perceptimit të korrupsionit për vitin 2013, të Transperancy International.
Raporti i TIA për korrupsionin, debate në Kuvend, Balla: Një turp!
Raporti i TIA për korrupsionin <br />Rama: Shqipëria mori shuplakë
TIRANE- Pas publikimit të raportit të Indeksit të perceptimit të korrupsionit për vitin 2013, të Transperancy International, ku Shqipëria renditet tre vende më poshtë se në 2012, ka reaguar edhe kryeministri i vendit Edi Rama. Duke e quajtur këtë një lajm të keq, kreu i qeverisë, thekson se ky është i treti vit radhazi ku Shqipëria renditet vendi i fundit në rajon sa i përket indeksit të përceptimit të rajonit. Në një deklaratë për mediat, kryeministri Rama tha se “kjo është një gjendje turpëruese për Shqipërinë”, ndërsa akuzoi qeverinë e mëparshme për këtë situatë, si dhe për nivelin e lartë të borxhit në të cilin ndodhe vendi.

“Indeksi i perceptimit të publikut mbi korrupsonin, i publikuar nga TIA na radhit në vendin e 116 së bashku me Nepalin dhe Vietnamin. Humbësit e 23 qershorit, e kanë kthyer Shqipërinë aty ku e gjetën në vitin 2008, duke i humbur asaj 8 vite kohë. Duke e kthyer vendin nga korrupsioni tek kapja e shtetit. Ky është një lajm i keq për ne. Është një renditje turpëruese për Shqipërinë.

Në 2012 ky indeks ishte keq, por këtë vit indeksi i përceptimit është si s’ka më keq. Kur hedh një sy në tabelën e përgjithshme të renditjes, shikon se shtete që në vitet e mëparshme kanë qenë ne të njejtën renditje me ne, apo nën ne, kanë bërë arritje cilësore, përfshi, Nigerinë, apo fatmirësisht Kosovën. Ndërkaq gjendja e korrupsionit paraqitet më mirë edhe në vende që janë në krizë si Egjipiti. Përsa i përket rajonit bëhet viti i 3 që jemi të fundit. një shtet i kapur nga të gjitha anët, dhe i rrënuar në tokë, prej interesave të një grushti njerëzish, të cilët nuk janë në qeveri, por i kanë lënë qeverisë se re një mal borxhesh”, tha kryeministri Rama.

Ndërkaq, kryeministri Rama theksoi angazhimin e qeverisë që ai drejton për të vijuar përpjekjet për normalizimin e situaës ekonomike e financiare të vendit. Rama theksoi do të vijohet me luftën nga korrupsionit dhe krimit të organizuar.

“Kjo nuk na tremb, kjo situatë do ndryshojë rrënjësisht. Ndryshimi ka nisur dhe do vazhdojë çdo ditë, dhe gjendja do normalizohet ditë pas dite, me durim dhe përkushtim të madh. Ky përkushtim është venë re nga qytetarët po rdhe miqte dhe partnerët tanë ndërkombëtare. Unë i di vështirësitë e njerëzve në nevojë, sipërmarrësve, pacientëve, mjekëve, personave me aftësi të kufizuar, të papunëve, si dhe i di 1001 punët që kemi për të bërë. Një gjë e bërë keq është më e vështirë sesa ta ndërtosh atë nga fillimi. Varfëria dhe korrupsioni janë armiqtë më të mëdhenj të Shqipërisë dhe shqiptarëve, dhe kjo qeveri do jetë armiku i tyre i përbetuar në emër të Shqipërisë dhe shqiptarëve”, theksoi kreu i qeverisë.

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04