POP 5

Lajmet më të lexuara të 5 minutave të fundit

Politikë

Raporti i "Together for Life", reagon PD: Rama përdori pandeminë për të vjedhur shqiptarët! Miliona euro tendera sekretë e prokurime korruptive për përballimin e COVID-19

Organizata 'Together for Life publikoi një raport, sipas të cilit prokurimet emergjente në përballimin e pandemisë nuk ishin transparente. Në lidhje me këtë raport ka reaguar Paritia Demokratike e cila akuzon qeverinë se e ka kthyer shëndetësinë në gropën e korrupsionit, dhe ka detyruar shqiptarët të paguajnë nga viti në vit më shumë para nga xhepat e tyre për shërbime shëndetësore

Raporti i

Organizata 'Together for Life' publikoi një raport, sipas të cilit prokurimet emergjente në përballimin e pandemisë nuk ishin transparente. Në lidhje me këtë raport ka reaguar Paritia Demokratike e cila akuzon qeverinë se e ka kthyer shëndetësinë në gropën e korrupsionit, dhe ka detyruar shqiptarët të paguajnë nga viti në vit më shumë para nga xhepat e tyre për shërbime shëndetësore.

‘Në një raport të fundit të Organizatës Together for Life theksohet se mbi 55% e tenderëve të zhvilluar nga viti 2016 deri në dhjetor të vitit 2021 në shëndetësi kishin vetëm një operator pjesëmarrës në garë. Edhe aty ku u përdor garë e hapur ajo nuk ishte rale pasi kriteret u përpiluan për të favorizuar kompanitë e lidhura me autoritetin kontraktor.’- shprehet Koduzi duke cituar raportin.

Koordinatori Kombëtar për Shëndetësinë në PD, Gazment Koduzi tha se që nga fillimi i pandemisë autoritet shëndetësore zhvilluan 198 procedura prokurimi mbi përballimin e Covid-19 me vlerë mbi 35 milionë euro dhe gjysma e tyre, u bënë vetëm me një operator konkurrues, të cilët përfituan në fondin limit

‘Nga marsi 2020 deri në maj 2021, institucionet e shëndetësisë kontraktuan 60 kompani për furnizime me materiale, që kishin lidhje me pandeminë, nga të cilat 11 kompani, ishin sekrete, procedurë e cila i mundëson qeverisë të mos bëjë transparencë e parave e të fshehë abuzimin. Në raport veçohet prokurimi i drejtpërdrejtë për blerjen e 54 respiratorëve me 1.1 milionë euro, nga të cilat një kompani fituese e kontratës sekrete solli vetëm 5 respiratorë.’ u shpreh me tej Koduzi.

Në fund të fjlës së tij Koduzi i bën thirrje SPAK që të hetojë tenderët korruptiv të qeverisë  të cilat po pamundësojnë gjithnjë e më shumë shërbimin ndaj qytetarëve dhe po i varfërojnë ata.

'Gjykata Europiane e Auditit ka theksuar se në Shqipëri 30% e tenderëve publikë janë të paracaktuara. Ne i bëjmë thirrje SPAK të hetojë tenderët korruptiv të qeverisë të cilat po pamundësojnë gjithnjë e më shumë shërbimin ndaj qytetarëve dhe po i varfërojnë ata. Askush nuk habitet sot se si Rama vjedh shqiptarët me tenderë e koncesione.’- u shpreh Koduzi.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46