“ThinkTanku” ,i specializuar ne ceshtjet e jashtme flet per nje lidhje “te paster e ne rritje” mes organizatave islamike te financuara nga pertej detit, predikuese te urrejtjes dhe grupeve xhihadiste nxitese te dhunes.
Ministrat e qeverise britanike jane nen presion te publikojne gjithashtu raportin e tyre mbi grupet islamike me baze ne Mbreterine e Bashkuar. Ambasada Saudite reagoi menjehere duke i cilesuar si kategori te rreme pretendimet e “Think Tank”-ut, ne listen e te cilit renditet si vend i Gjirit dhe Iranit, si garantues i mbeshtetjes financiare per xhamite dhe institucionet e edukimit islamik, qe jane lidhur me shperndarjen e materialeve ekstremiste.
Por në krye të saj “Henry Jackson Society” vendosi Arabinë Saudite, aleaten më të ngushtë të Britanisë në Lindjen e Mesme, dhe njëkohësisht partneren e saj më të madhe tregëtare.
Në dokument nënvizohet se, individë dhe fondacione janë përfshirë në eksportimin e asaj që quajnë “ideologji paragjykuese dhe fanatike Eahhabi”., ndërsa rreshton për ilustrim edhe një sërë rastesh konkrete.
Ndërkohë Gjermania ka pranuar se numri i militanteve potencial islamik është rritur dhe se vendi duhet të përgatitet për mundësinë e sulmeve të ardhshme terroriste.
Raporti i Agjencisë gjermane të Inteligjencës për vitin e kaluar tregon se në Gjermani ndodhen rreth 24.400 islamike, 9,700 prej të cilëve janë salafistë.
Në vitin 2016 janë regjistruar pesë sulme të tilla përfshi edhe atë të natës së Krishtlindjeve në Berlin, ku janë vrarë 12 vetë, e nga sa kujton presidenti i kësaj agjencie janë edhe shtatë sulme të cilat u shmangën në kohë.
Gjithashtu dokumenti tregon se qindra xhihadiste kanë hyrë në këtë vend në mesin e rreth një milion emigrantëve që vërshuan për në Gjermani gjatë dy viteve të fundit.
Zyrtaret e sigurisë janë të vëmëndshëm sidomos ndaj 680 personave të cilët përbëjnë potencial për kërcënime islamike.
Pjesa dërrmuese e tyre janë nën ndikimin e ideologjisë salafiste. Berlini i ka shtuar ndjeshëm përpjekjet për të luftuar militantet islamik me një numër rekord arrestimesh, ndjekjesh penale, dhe dëbimesh.
Redaksia online
D.M/Shqiptarja.com
![](https://www.shqiptarja.com/template/img/sh_logo1.png)