X

POP 5

Lajmet më të lexuara të 5 minutave të fundit

Ekonomi

Raporti në Kuvend, Guvernatori i BSH tregon arsyet e forcimit të lekut

Sejko ka deklaruar se viti 2017 ka qenë pozitiv, pasi u krijuan 79 mijë vende të reja pune, ndërsa ekonomia shqiptare u rrit me 3.8%.

Guvernatori i Bankës së Shqipërisë, Gent Sejko ka prezantuar sot Raportin Vjetor të Bankës së Shqipërisë për vitin 2017 në Komisionin e Ekonomisë dhe Financave. Sejko ka deklaruar se viti 2017 ka qenë pozitiv, pasi u krijuan 79 mijë vende të reja pune, ndërsa ekonomia shqiptare u rrit me 3.8%.

Sipas të dhënave të INSTAT-it: ekonomia shqiptare u rrit me 3.8% në terma vjetorë dhe krijoi rreth 79 mijë vende të reja pune në sektorin privat jobujqësor; norma e papunësisë dhe deficiti i llogarisë korrente u reduktuan; ndërsa, inflacioni erdhi në rritje. Paralelisht me zhvillimet në sektorin real, normat e interesit në tregjet financiare mbetën të ulëta dhe treguesit e shëndetit të sistemit bankar erdhën në përmirësim. Në veçanti, raporti i kredive me probleme zbriti në 13.2% në fund të vitit, një reduktim ky prej rreth 5 pikësh përqindjeje krahasuar me një vit më parë. Të gjithë këta indikatorë tregojnë një përmirësim të pozicionit ciklik të vendit dhe ofrojnë sinjale inkurajuese për perspektivën e rritjes ekonomike në të ardhmen.

 

Gent Sejko

Guvernatori i Bankës së Shqipërisë komentoi edhe forcimin e lekut, arsyet dhe pasojat. Sejko u shpreh se zhvlerësimi i euros ndaj lekut është i padëmshëm për ekonominë shqiptare.

“Forcimi i lekut gjatë dy viteve të fundit ka qenë në vëmendjen e Bankës së Shqipërisë, si pasojë e ndikimit të gjithanshëm që ka ky faktor mbi treguesit e përgjithshëm ekonomikë e financiarë, përfshi dhe inflacionin. Analizat tona tregojnë se tendenca mbiçmuese e kursit të këmbimit pasqyron përmirësimin e faktorëve fondamentalë, të tillë si ngushtimi i deficitit tregtar dhe i atij të llogarisë korrente, nivelet e larta të prurjeve valutore në formën e investimeve të huaja direkte, si dhe rritja e besimit ndaj monedhës kombëtare në tregun e brendshëm financiar. Për sa kohë ky mbiçmim përfaqëson efektin e faktorëve të qëndrueshëm ekonomikë e financiarë, ai nuk sjell pasoja të dëmshme për ekonominë shqiptare. Megjithatë, efektet e tij shfaqen në formën e presioneve të reduktuara inflacioniste në tregun e brendshëm shqiptar.

 

Gent Sejko

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 10/04/2018 22:47

    Mire e ke mo guvernator, por c'do thone "specialistet" e Monitorit, se vjet ia dhane atributet hashashit pse u forcua leku. Edhe pse me Euro kisha degjuar te blihej hashash, por me jen japonez, dollar kanadez dhe australian s'kisha degjuar per mos permendur te gjitha valutat e tjera ndaj te cilave leku fitoi terren ne 2017-en dhe ne vazhdim. Mos fol keshtu per ekonomine se neser mund te jesh ne "kendin e fletrufeve" nga PD-LSI-ja.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Expo-Albania, ja si do të jetë kompleksi modern për organizimin e panaireve

Expo-Albania, ja si do të jetë kompleksi modern për organizimin e panaireve

26 Prill, 08:18