Ky raport u dorëzua në kryeministri nga zv kryeministrja Ledina Mandija. Teksa burime për Report Tv nga PS thonë se ky raport është i paligjshëm pasi duhej të kalonte më parë nga Task Force.
“Fakti është se raporti final i tyre mbi zgjedhjet është proceduralisht jo korrekt, pra i paligjshëm, sepse nuk është diskutuar dhe miratuar në mbledhjen e task-forcës sipas parashikimeve të VKM, e cila e legjitimoi task-forcën dhe përcaktoi funksionet e saj.
Ajo task-forcë është krijuar mbi bazën e një VKM-je dhe është më e gjerë në përbërje se sa vetëm ministrat teknikë dhe çdo gjë duhet të diskutohej/votohej në task force", thonë burime per Report Tv nga PS.
Nga ana tjetër ministrat teknikë thonë për Report Tv se raporti është përmbledhje e veprimtarisë së task force dhe task forca e ka mbaruar veprimtarinë e vet, prandaj nuk është e nevojshme të mblidhet përsëri.
Për raportin ka reaguar edhe deputeti socialist, Erjon Braçe, i cili shprehet se është nul.
Statusi i plotë
Po prova, prova a keni? Se raport paskeni shkruar; Eshte i njejte qe prej 2001-shit! Ka nje tip ne PD qe e ka raportin gati, ndaj e mbajne te gjithe aty, thjesht per ate raport.
Tani, raporte shkruan kushdo; PUNA ESHTE TI PROVOSH, DOMETHENE TE KESH PROVA TE QARTA E TE PAKUNDERSHTUESHME!
Te thenat e Lulzim Bashes dhe cdo zari te tij qe humbi me thelle se kurre qarkun qe kryesonte, nuk mund te jene prova!! Lulelleqe patjeter qe jane! Madje te perseritura!
dy.b/shqiptarja.com