POP 5

Lajmet më të lexuara të 5 minutave të fundit

Politikë

Raporti: SHISH ka përgjuar
bisedat mes Ramës dhe Metës

Kryeministri Edi Rama dhe aleati i tij në qeverisje, kreu i LSI-se, Ilir Meta janë përgjuar nga Shërbimi Informativ Shtetëror. Ky lajm konfirmohet nga burime konfidenciale zyrtare për A1 REPORT. Këto fakte, bëjnë me dije burimet, janë të pasqyruara në raportin që përfunduan 3 deputetë socialistë, pas kontrollit të zhvilluar në institucionin e drejtuar nga Visho Ajazi. VIDEO
Raporti: SHISH ka përgjuar<br />bisedat mes Ramës dhe Metës
TIRANE - Bisedat mes Kryeministrit Edi Rama dhe kryeparlamentarit Ilir Meta për një kohë të gjatë janë vënë nën përgjimin e Shërbimit Informativ Shtetëror. Gjatë qeverisjes Berisha e deri pas ndërrimit të pushtetve SHISH ka përgjuar bisedat personale jo vetëm mes dy aleatëve, por edhe biseda që liderët politikë kanë bërë me persona të tjerë. Kjo është konfirmuar nga burime konfidenciale zyrtare në Komisionin e Sigurisë për "A1 Report". Por pre e këtyre përgjimeve kanë rënë edhe deputetë të tjerë të parlamentit shqiptar, ligjvënës të cilët kanë peshë në Kuvendin e Shqipërisë.
 
Po sipas të njëjtave burimeve brenda Komisionit të Sigurisë thuhet se kreu i SHISH Visho Ajazi Lika ka bërë jo vetëm shkelje ligjore, por dhe penale. Të gjitha këto fakte dhe elemente janë pasqyruar në raportin përfundimtar të dalë nga puna e tre deputeteve te mazhorancës, antarë të Komisionit të Sigurisë, konkretisht Pirro Lutaj, Pjerin Ndreu dhe Xhemal Qefalia, të cilët për një periudhë gati dy mujore zhvilluan një kontroll në institucionin e drejtuar nga Visho Ajazi Lika.

Ky raport i diskutuar gjatë të mërkurës në Komisionin e Sigurisë do t’i dorëzohet kryeministrit Edi Rama, ndërsa një kopje tjetër kryetarit të Kuvendit Ilir Meta. Tashmë mbetet në dorën e shefit të qeverisë Rama për të marrë ose jo masa ndaj kreut të SHISH për këto shkelje. Raporti nuk do të kalojë në seancë plenare për shkak të informacionit të klasifikuar që përmban.
 
Komisioni i Sigurisë ngriti në muajin Maj të këtij viti grupin e punës prej 5 anëtarësh, por në fakt vetëm 3 deputetë të mazhorancës ushtruan kontroll në SHISH, ndërsa opozita nuk pranoi të merrte pjesë.

Redaksia Online
(Gre.M/Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane

24 Nëntor, 14:47