Raporti shokues: Kim Jong-un ka
ekzekutuar 340 persona

Diktatori i Koresë së Veriut, Kim Jong-un ka urdhëruar vrasjen e më shumë se 300 njerëzve që kur mori pushtetin në vitin 2011.

Një raport i ri, i hartuar nga Instituti për  Strategjinë e Sigurisë Kombëtare, pretendon se diktatori koreano-verior Kim Jong Un ka urdhëruar ekzekutimin e 340 njerëzve. Në raport thuhet se Kim përdor ekzekutimet për të shtrënguar më fort pushtetin, shkruan “The Independent”.

Nga personat të cilët janë ekzekutuar, 140 prej tyre ishin zyrtarë të lartë në qeveri, ushtri dhe Partinë e Punëtorëve. Ekspertët janë shprehur se Kim shfaq një nivel të lartë brutaliteti. Për shembull Ministria e Mbrojtjes është spastruar 5 herë në 5 vjet, ndërsa babai i tij e bëri 3 herë në 17 vjet dhe dy prej këtyre herëve, ministrat ndërruan jetë nga mosha.

Gjatë fillimit të këtij viti, diktatori ekzekutoi ministrin e Arsimit, Kim Yong Jin, pasi nuk ishte sjellë mirë gjatë seancës së parlamentit.

Në maj të 2015, ministri i Mbrojtjes, Hyon Yong Chol, u ekzekutua me armë antiajrore para një publiku, mes të cilit edhe familja e tij.

Ekspertët thonë se Kim Jong Un është i dëshpëruar të tregojë se mund të jetë një lider i madh dhe për të bërë këtë, duhet të tregojë me forcë dhe mes ndihmësve të tij se shefi është pikërisht ai.


Redaksia online
D.M/Shqiptarja.com