POP 5

Lajmet më të lexuara të 5 minutave të fundit

Arkiva

Raporti: Taksat  për makinat
ne nje vit 10-fishuan të vjetrat

Sipas raportit të Drejtorisë së Transportit Rrugor ndryshimi, në mes të vitit të vitit të kaluar, i ligjit për taksimin e automjeteve ka sjellë një rritje shumë të vogël të të ardhurave në buxhet, por një rritje 10-fish të regjistrimit të makinave të përdorura si kalim pronësie.
TIRANE- Vitin e kaluar janë rritur 10-fish kalimet e pronësisë së makinave të përdorura në Shqipëri në gjysmën e parë të 2011-ës, pas ndryshimit të ligjit, që caktonte një taksë për shitësin. Kjo solli absurdin, e përhapur gjerësisht, që pronarët e makinave, kur i shisnin, nuk e noterizonin kalimin e pronësisë dhe vazhdonte të ishte zyrtarisht pronar, që të mos paguante taksën. Kur ky detyrim fiskal u shfuqizua, kalimet e pronësisë ishin dhjetë herë më të larta.

Sipas raportit vjetor të Drejtorisë së Përgjithshme të Shërbimeve të Transportit Rrugor, deri në gusht 2011, mesatarja mujore e regjistrimit të aktit për ndryshimin e pronësisë së mjetit ishte 229, ndërsa në shtator e deri në fund të vitit arriti në 2.952 veprime. Në katër muajt e fundit u kryen 11.808 regjistrime, ndaj 1.832 të kryera në 8 muajt e parë. Fjala është për makina që ndryshojnë pronësi, pra janë të përdorura.

Paketa fiskale për automjetet eliminoi taksën e shitjes, hoqi taksën e importimit të mjetit dhe zëvendësoi taksat vjetore të regjistrimit dhe qarkullimit me një taksë të vetme, që ndryshonte progresivisht sipas viteve të prodhimit dhe cilindratës.

Po kështu, në këtë rritje ka ndikuar edhe ligji për faljen fiskale, megjithëse rezulton që vetëm me pak se 5 për qind e makinave që përfitojnë (42 mijë) janë legalizuar. 4.55 për qind e regjistrit pasiv është bërë aktiv, duke paguar taksat e vitit 2011, ndërkohë që pronarët e 33.307 mjeteve të transportit dorëzuan targat për makinat që nuk i përdornin.

Ndryshimet ligjore nxitën importin masiv të automjeteve. Në analizën e drejtorisë thuhet se deri në fund të gushtit, mesatarisht në muaj regjistroheshin 1.757 mjete transporti, kurse gjatë periudhës shtator-dhjetor 2011 mesatarja mujore ishte 7.979 makina. Nëse për 8-mujorin (janar-gusht) 2011 ishin rreth 14 mijë makina të regjistruara për herë të parë, në katër muajt e fundit (shtator-dhjetor) numri arriti në 32 mijë.

Në arkën e Drejtorisë ka patur rritje nga ndryshimi i taksave. Për periudhën 12-mujore 2011, të ardhurat e realizuara ishin 1.5 miliardë lekë, me rritje 2 për qind nga plani, ose 11 për qind në raport me vitin e kaluar 2010. Megjithatë, nga kalimi i taksës tek karburantet, buxheti i shtetit duhet të ketë patur fitimin më të lartë. Sipas raportit, në sistemin e Interpolit janë kontrolluar 57.076 mjete dhe kanë rezultuar 171 mjete të trafikuara. Dosjet e tyre i kanë kaluar Policisë.

(Shkrimi eshte botuar sot ne gazeten "Shqiptarja.com")
(sg/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03