Rashkaj me një këmbë te Sandnesi

Kapiteni i përfaqësueses së Kosovës, Anel Rashkaj, është pranë kalimit te skuadra norvegjeze, Sandnes që garon në elitën e futbollit të Norvegjisë. Ekipi norvegjez i ka ofruar kontratë një vjeçare mesfushorit. "Këto dy ditë pritet të zgjidhet çështja ime sa i përket transferimit te kjo skuadër. Sinjalet janë shumë të mira, pasi kjo është një ofertë konkrete për mua. Shpresojë që gjithçka të përfundojë më së miri", ka thënë Rashkaj të shtunën. Rashkaj së fundi u aktivizua te skuadra e Halmstadit në kampionatin e Suedisë. Ai gjatë javës u provua në Sandnes dhe impresionoi drejtuesit e këtij klubi.(KOHAnet)