RD kërcënon Ramën: Fundi
i etërve të tu, tërheqja zvarrë!Iku qënëria, erdhi liria - nga A. Duka

TIRANË - Gazeta Rilindja Demokratike i është përgjigjur shumëfish më ashpër fjalës së kryeministrit të ri Edi Rama dje në foltoren e Kuvendit mbi programin qeverisës.
 
Duke arritur në ekstremin e një kërcënimi, që ka filluar me “kujdes” dhe ka përfunduar me “tërheqje zvarrë”.
 
“Kujdes Edvin Rama! Fundi i etërve të tu ishte tërheqja zvarrë”, thuhet në mbititullin kryesor, që ka hapur sot gazetën partiake, tashmë të partisë më të madhe në opozitë, PD.

Ndërsa titulli kryesor më poshtë me gërma të mëdha analizon programin qeverisës, duke e mohuar atë: “S’ka program, por platformë urrejtje ndaj opozitës”.
 
Është cituar edhe Berisha si nëntitull shtojcë: “Asnjë shifër, asnjë afat, asnjë kosto, asnjë projekt. I ka ditët e numëruara”.

Ndërkohë dje, ish-kryeministri Berisha dhe grupi i deputetëve të PD u ngritën pa mbaruar seanca, të revoltuar për "sharjet, urrejtjet dhe poshtërimet ndaj opozitës dhe popullit opozitar".

Ndërsa Lulzim Basha premtoi "protesta në sheshe dhe rrugë si përgjigje ndaj provokimeve të Ramës", si dhe "asnjë minutë paqe Ramës për premtimet".


Redaksia Online
(mag/shqiptarja.com)