POP 5

Lajmet më të lexuara të 5 minutave të fundit

Politikë

Reagimi i Ramës për Rai3, Bardhi: Patriotizëm i rremë! I ikën të vërtetës me fjalë boshe

Gazment Bardhi i quajti patriotizëm të rremë dhe përpjekje për t’i ikur të vërtetës përmes fjalëve boshe, deklaratat e kryeministrit Rama për emisionin “Report” në Rai3

Reagimi i Ramës për Rai3, Bardhi: Patriotizëm i rremë! I ikën të vërtetës me fjalë boshe

Gazment Bardhi

Gazment Bardhi i quajti patriotizëm të rremë dhe përpjekje për t’i ikur të vërtetës përmes fjalëve boshe, deklaratat e kryeministrit Rama për emisionin “Report” në Rai3.

Përmes një reagimi në X, Bardhi tha se investigimi i Rait ka të bëjë me Ramën dhe mafiozët e tij dhe jo me imazhin e Shqipërisë e shqiptarëve.

‘Vetëm një mafioz mund të marrë guximin që të mbrojë krimin e organizuar dhe të sulmojë median! Sjelljen e ka të parashikueshme si gjithmonë në situata të njëjta: I ikim të vërtetës me fjalë boshe, me slogane patriotizmi të rreme, duke u fshehur pas shqiptarëve dhe Shqipërisë, me “atdhedashuri” që bashkëndanë ngushtësisht me eksponentët me të rrezikshëm të krimit të organizuar, që ky dhe qeverisja e tij ia bënë Shqipërinë parajsën personale të tyre.

Investigimi i mediave ndërkombëtare ka të bëjë vetëm me ty dhe mafiozët e tu, aspak me imazhin e Shqipërisë dhe shqiptarëve. Imazhi i Olsit dhe Olsave të tu, nuk është imazhi i Shqipërisë dhe shqiptarëve. Imazhi i vërtetë i Shqipërisë dhe shqiptarëve, janë ata qytetarë të ndershëm të këtij vendi, që nuk përfshihen në trafik droge, që nuk pasurohen përmes korrupsionit madhor, që punojnë me ndershmëri, pavarësisht vështirësive që i krijon keqqeverisja jote 11 vjeçare. Secili prej këtyre i është mirënjohës dhe falenderues gazetarisë investigative të Rai 3.’- shkruan Bardhi.

Baltë e pamerituar për vendin tonë e ka quajtur kryeministri Rama, episodin e dytë të emisionit Report në RAI 3 për Shqipërinë, ndërsa akuzoi Rithemelimin si burim të kësaj balte. Pa i përmendur me emër, Rama tha se figura të errëta u paraqitën si heronj: Një non grata në arrest shtëpie, një i arratisur në kërkim nga SPAK dhe një i dënuar me 17 vite burg

    M.Q./Shqiptarja.com
    Komento

    KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

    Komente

    • Sondazhi i ditës: 21 Janar, 08:38

      14 vite nga vrasja e 4 protestuesve, do bëjë SPAK drejtësi për 21 janarin?

    Lajme të tjera



    ×

    Lajmi i fundit

    Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

    Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

    22 Janar, 16:42