Kukësi reagon pas barazimit me Apoloninë, fiton në Durrës me rezultatin 0-3. Golat për ekipin e Kukësit ndaj Teutës u shënuan nga Pejic 2 herë dhe Lushtaku.

Pas ultimatumit nga presidenti Gjici, Kukësi nuk kishte rrugë tjetër duke marrë pikët e plota. Ndeshja foli vetëm për verilindorët, aktualisht edhe nën kampionë të vendit, pasi brenda pjesës së parë vulosën gjithçka duke mos e vendosur në diskutim triumfin.

Fillimisht ka qenë kroati që ka zhbllokuar shifrat në të 11’ më pas i dyfishoi në të 17’, ndërsa në të 44’ e pjesës së parë Lushtaku vulosi gjithçka.

Pjesa e dy nuk ka pasur shumë për të theksuar, pasi rastet e Teutës nuk kanë vendosur në vështirësi miqtë. Me këtë fitore Kukësi ngjitet në vendin e dytë me 32 pikë, por me në ndeshje më shumë.



d.b/shqiptarja.com