James Rodriguez sipas mediave spanjolle ka arritur marrëveshjen me Real Madrid. Po sipas mediave, golashënuesi më i mirë i kampionatit Botëror do të përfitojë 7,5 milionë euro në vit.

Kjo ishte edhe dëshira e vetë futbollistit kolumbian, i cili deklaroi pas përfundimit të finaleve në Brazil se nëse do të kishte mundësi do të bashkohej me Realin me sy mbyllur.

Por tashmë vjen pjesa më e vështirë, pasi Reali duhet që të bindë edhe drejtuesit e Monaco për kalimin e talentit.

Kampionët e Europës i kanë ofruar deri tani 60 mln Euro, po aq sa do të shitet Di Maria, por Monaco kërkon 80, në mes është futur edhe Barcelona që ofron 90 mln Euro, por në fund diferencën e bën dëshira.


d.b/shqiptarja.com