Reduktimi i policisë në veri të Kosovës, KFOR: Hap i rëndësishëm drejt de-përshkallëzimit

KFOR-i ka reaguar pas vendimit të institucioneve në Kosovë për të reduktuar praninë e Policisë së Kosovës rreth ndërtesave komunale në veri të Kosovës.

Misioni i paqëruajtës, KFOR njofton se vendimi i marrë në një takim të mbajtur nga Policia e Kosovës, EULEX-i dhe KFOR-i, është një hap i rëndësishëm drejt de-përshkallëzimit të tensioneve dhe promovimit të dialogut.

“Në këtë drejtim, KFOR-i pajtohet se ka pasur një përmirësim në situatën e sigurisë në zonë, por është e rëndësishme të sqarohet se pikëpamja jonë nuk është rezultat i një aktiviteti të përbashkët vlerësimi. Një vlerësim i përbashkët, në fakt, është një procedurë e ndryshme që kërkon veprime specifike, disponueshmëri të të dhënave dhe vlerësime sistematike në të cilat roli i KFOR-it, siç është rënë dakord ndërmjet NATO-s dhe BE-së, duhet të konsiderohet vetëm si i duhur dhe t’i nënshtrohet miratimit të Komandant i KFOR-it”, thuhet në njoftim.

LEXO EDHE:
Zyrtare/ FK Ballkani kampion i Kosovës për herë të tretë radhazi, Ilir Daja shkruan historinë në futboll

Më tej thuhet se misioni i KFOR-it i drejtuar nga NATO-ja mbështet plotësisht dialogun e ndërmjetësuar nga BE-ja dhe mbetet në kontakt dhe në koordinim të ngushtë me të gjithë bashkëbiseduesit vendorë dhe ndërkombëtarë.

G.MO/Shqiptarja.com

TAG:
• kosove
• KFOR
• tensione ne veri te kosoves