POP 5

Lajmet më të lexuara të 5 minutave të fundit

Kosova & Rajoni

Referendumi për emrin në Maqedoni, sot votojnë të sëmurët e të burgosurit

Nga dita e sotme ka nisur pjesa e pare e referendumit në Maqedoni për çështjen e emrit me Greqinë. Ka nisur votimi për disa kategori të caktuara të shoqërisë siç janë: personat e sëmurë dhe ata që janë të burgosur
Referendumi për emrin në Maqedoni, sot votojnë të sëmurët e të burgosurit

Foto ilustruese

Nga dita e sotme ka nisur pjesa e pare e referendumit në Maqedoni për çështjen e emrit me Greqinë. Hapi i rëndësishëm pritet të hapë një dritare të re në marrëdhëniet mes dy vendeve, ose ta thellojë edhe më tej krizën. 

Ditën e sotme që nga ora 7:00 e mëngjesit ka nisur votimi për disa kategori të caktuara të shoqërisë siç janë: personat e sëmurë, ata që janë të burgosur ose që kanë një dënim më të lehtë si arresti shtëpiak, si dhe shtetasit maqedonasë që jetojnë jashtë vendit dhe janë regjistruar për të votuar.

Sipas mediave vendase atje janë 1558 të burgosur, nëpër institucionet e vuajtjes së dënimit në të gjithë vendin, të cilët sot kanë të drejtë votë. Ndërsa, regjistrim paraprak ka patur edhe nga personat e kategorive të tjera.

Ndërkohë, 30 shtatori është dita e rëndësishme ku 1.806.336 votues do të shprehin vullnetin e tyre në aprovim ose në kundërshtim të ndryshimit të emrit. Parlamenti e ka miratuar tashmë emrin Republika e Maqedonisë së Veriut, por kundërshtimi nga ana e presidentit George Ivanov, e çoi çështjen drejt verdiktit të popullit. Që referendumi të jetë i suksesshëm, duhet që të paktën 853 mijë qytetarë të votojnë pro. 

Ndryshimi i emrit pritet t’i hapë rrugë anëtarësimit të vendit në NATO dhe në BE dhe për këtë arsye ka gjetur mbështetjen e të gjitha partive parlamentare atje.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46