Shtohet numri i deputetëve të Partisë Demokratike, të cilët shprehin gatishmërinë për t’u takuar me kryediplomatin amerikan në Tiranë, Donald Lu, në kuadër të llogarive të votave për 21 Korrikun, kur do të hidhet për miratim projekti kushtetues për Reformën në Drejtësi.

Pas Astrit Patozit dhe Majlinda Bregut, pesë deputetë të Partisë Demokratike dhe të opozitës në tërësi deklarojnë se janë të hapur të takojnë ambasadorin amerikan për Reformën në Drejtësi.