POP 5

Lajmet më të lexuara të 5 minutave të fundit

Politikë

Reforma në Drejtësi, dështon për të
3-ën herë mbledhja, bojkotoi opozita

Mbledhja e komisionit të posaçëm parlamentar për reformën në drejtësi është shtyrë për të tretën herë brenda ditës. Deputetët e opozitës kanë munguar sërish në mbledhjen e lajmëruar për në orën 18:00, duke bërë që të shtyhet pa afat.   VIDEO
Reforma në Drejtësi, dështon për të<br />3-ën herë mbledhja, bojkotoi opozita
Mandati i deputetëve, Rakip Suli e Valentina Leskaj duket se janë bërë pengesa e re për të vazhduar reformën në drejtësi. Ndonëse këtë të enjte mendohej të mbyllej paketa e ndryshimeve kushtetuese që përbëjnë bazën e kësaj reforme, PD e ka bojkotuar mbledhjen plot tre here.

Madje në mbledhjen e grupit parlamentar demokrat, kryetari Basha ka qenë radikal teksa u ka komunikuar deputetëve të tij se kushti për të vijuar reformën është pikërisht zbatimi i vendimeve të Gjykatës Kushtetuese.

Vendimi i fundit i kësaj Gjykate ishte ai për të shqyrtuar vlefshmërinë e mandateve të deputeteve të mazhorancës të cilët opozita pretendon se kanë përfituar fonde publike personalisht ose nëpërmjet familjarëve të tyre. “Është paradoks të diskutosh ndryshimet Kushtetuese kur nuk zbaton vendimet e saj”, mësohet të jetë shprehur, Lulzim Basha.

Në mbledhje ka pasur edhe zëra si ai i Sekretarit të Përgjithshëm, Arben Ristani, për të bojkotuar përfundimisht Parlamentin, por ky nuk është mbështetur nga shumica e deputetëve, përfshirë edhe ish-kryetarin Berisha.

Pas mbledhjes së grupit, PD njoftoi se do të shpaloste këto qëndrime të saj në komisionin e posaçëm të reformës në drejtësi në orën 18:00, i cili ishte anuluar 2 herë të tjera gjatë ditës. 

Por vetëm gjysmë ore para se të niste puna, demokratët njoftuan anulimin për herë të tretë të mbledhjes.
 
Në fakt janë vetëm 2 çështjet që ndajnë palët për këtë reformë: votimi me 2/3 ose 3/5 e gjyqtarëve dhe anëtarëve të institucioneve të reja që krijohen në drejtësi dhe mënyra e vlerësimit të gjyqtarëve dhe prokurorëve.
 
Në pritje të mbledhjes tjetër të martën, nuk dihet nëse do të ketë lëvizje të ambasadorëve Lu dhe Vlahutin për të negociuar zgjidhjen e këtij ngërçi të radhës në reformimin e drejtësisë.


Redaksia Online
(m.b/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

26 Dhjetor, 21:13