Reforma në Drejtësi, ja katër
surprizat e Paketës Kushtetuese
PDF/ Drafti përfundimtar i ekspertëve

TIRANE- I përfunduar të hënën, drafti i projektit të ndryshimeve Kushtetuese për reformën në sistemin e drejtësisë, është publikuar dje nga ekspertët e nivelit të lartë. Dokumenti prej 38 faqesh i siguruar nga “Shqiptarja.com”, do të diskutohet në komisionin e posaçëm parlamentar dhe më pas do t’i përcillet Komisionit të Venecias për të marrë një rekomandim përfundimtar i cili do të jetë materiali udhërrëfyes për draftin final që do të votohet në Kuvend. Drafti e prek Kushtetutën në 57 nene të saj, ndërsa katër janë shtyllat kryesore të reformës në drejtësi, Gjykata Kushtetuese, procedura e shkarkimit të Kryeprokurorit, ngritja e Komisionit të Pavarur të Kualifikimit dhe monitorimi i procesit të hetimit të gjyqtarëve dhe prokurorëve nga ndërkombëtarët si dhe roli i Ministrit të Drejtësisë.