Me praninë e dy ambasadorëve Donald Lu dhe Romana Vlahutin, Ministria e Drejtësisë do të zhvillojë neser një tryezë me ekspertë të drejtësisë për organet e reja të kontrollimit të sistemit gjyqësor. Në krye të Ministrisë së Drejtësisë tashmë është emëruar Ylli Manjani pas dorëheqjes së Nasip Naços nga ky post.
Moderator i takimit do të jetë drejtuesi i misionit Euralius në Tiranë, dhe qëndrimet e tyre do të shprehin veç dy ambasadorëve, dhe kryetari i Gjykatës së Lartë, Xhezair Zaganjori.
Tryeza do të zhvillohet në Ministrinë e Drejtësisë, në orën 15;00-18;00. Gent Ibrahimi, ekspert i nivelit të lartë pranë komisionit të posaçëm parlamentar për reformën në drejtësi, do sqarojë rolin e organit të ri që pritet të zëvendësojë KLD-në, pikërisht Këshilli i Lartë Gjyqësor. Po ashtu do të diskutohen kompetencat e Inspektoratit të Lartë dhe Tribunalit Gjyqësor.
Agnes Bernhard, nga misioni Euralius do të sqarojë kompetencat e Këshillit të Emërimeve në Sistemin e Drejtësisë.
Axhenda e tryezes per reformen ne drejtesi
Redaksia Online
(Gre.M/Shqiptarja.com)