POP 5

Lajmet më të lexuara të 5 minutave të fundit

Politikë

Reforma,PD:Kundër ndërprerjes
së mandatit të Adriatik Llallës

Eksperti demokrat, Ivi Kaso u shpreh se ndërprerja e mandatit të Kryeprokurorit të Republikës, shkel rekomandimin e Komisionit të Venecias. 
Reforma,PD:Kundër ndërprerjes<br />së mandatit të Adriatik Llallës
Teksa kanë renditur 11 pikat që i ndajnë me mazhorancës, demokratët kundër draftin e ekspertëve të nivelit të lartë edhe për pozicionin e Prokurorit në detyrë, pas miratimit të paketës së ndryshimeve Kushtetuese.
 
Eksperti demokrat, Ivi Kaso u shpreh se ndërprerja e mandatit të Kryeprokurorit të Republikës, shkel rekomandimin e Komisionit të Venecias.
 
“Konkretisht kemi vërejtur se nuk respektohet komenti i komisionit të Venecias mbi mungesën e nevojës së ndërprerjes së mandatit të Prokurorit të Përgjithshëm, koment ky i cili përmbahet në paragrafin 96 të Komisionit të Venecias i cili qartë dhe pa asnjë ekuivok shprehet se megjithatë zëvendësimi i Prokurorit të Përgjithshëm nuk është domosdoshmërish një çështje nevoje dhe mbajtja e Prokurorit të Përgjithshëm deri në mbarimin e mandatit të tij do të ishte e pranueshme”, u shpreh ai.
 
Ndonëse fillimisht dukej se opozita dhe mazhoranca ndaheshin për draftin final vetëm për formulën e zgjedhjes së anëtarëve të institucioneve Kushtetuese, shumicë absolute me 2/3 për të parët, dhe shumicë e cilësuar prej 3/5 e të dytëve, në fakt, divergjencat hasen në plot 11 pika të cilat u bënë publike sot nga ekspertët demokratë.

Megjithatë, burime pranë Partisë Demokratike konfirmojnë për “Shqiptarja.com” se opozita mbetet e hapur të negociojë me shumicën në komisionin e posaçëm parlamentar për reformën në drejtësi.
 
Kjo shuan edhe dyshimet mbi pjesëmarrjen e anëtarëve demokratë në komisionin ad hoc, ku selia blu përgenjështron zërat për një bojkot të mundshëm. 


Redaksia Online
(F.T/shqiptarja.com)
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16