POP 5

Lajmet më të lexuara të 5 minutave të fundit

Politikë

Reforma territoriale, PD anashkalon
pjesëmarrjen në Kuvend

Lulzim Basha krijon struktura paralele me shtetin. Gjatë takimit që kreu i Partisë Demokratike zhvilloi dje me të zgjedhurit vendor të PD-së dha urdhër që të gjithë kryebashkiakët apo kryekomunarët të nisin turin e konsultimeve për reformën administrative.
Reforma territoriale, PD anashkalon<br />pjesëmarrjen në Kuvend
TIRANE- Lulzim Basha krijon struktura paralele me shtetin. Gjatë takimit që kreu i Partisë Demokratike zhvilloi dje me të zgjedhurit vendor të PD-së dha urdhër që të gjithë kryebashkiakët apo kryekomunarët të nisin turin e konsultimeve për reformën administrative, punë kjo që është përcaktuar që të bëhet nga ana e komisionit të posaçëm parlamentar. Ky urdhër i dhënë nga kreu i Partisë Demokratike ishte për të gjithë të zgjedhurit venror të PD-së, që do të thotë se Partia Demokratike do të zhvilloi më vete punën për reformën territoriale duke mënjanuar Kuvendin e Shqipërisë që është edhe institucioni më i lartë në Shqipëri.

Këtë urdhër Basha e argumentoi si diçka të nevojshme pasi reforma administrative lidhet me reformën zgjedhore dhe për këtë, PD do të nis të gjithë aksionin për të bërë edhe llogaritë e saj në raport me votat që kjo parti ka në njësitë vendore. “Reforma territoriale që është njëkohësisht reformë elektorale dhe reformë e pushtetit vendor nuk mund të hedhë asnjë hap legjitim përpara pa rivendosur konsensusin e plotë në çdo hallkë të vendimmarrjes midis mazhorancës dhe opozitës.

Ne do të nisim një tur të gjerë konsultimi përmes të zgjedhurve vendorë, përmes këshilltarëve të majtë e të djathtë të çdo komune e bashkie me qytetarët e Republikës së Shqipërisë, të cilët kanë dhe do të kenë përgjithmonë të drejta sovrane për të vendosur dhe ratifikuar çdo ndarje dhe bashkim territorial në territorin e kësaj republike”,- tha Basha në fjalën e tij.

Gjatë këtij takimi Bsha ishte i shoqëruar edhe nga Xhelal Mziu, kryetari i PD-së në Kamëz. Për herë të parë pasi Gjykata e Apelit dha vendimin me detyrim paraqitjeje për kryebashkiakun e Kamzës, pas akuzës për shpërdorim detyre dhe favorizim në tendera, Xhelal Mziu, është shfaqur përkrah kryebashkiakut të Tiranës, Lulzim Basha. Në fjalën e tij kreu i Kamzës akuzoi qeverinë se po uzurpon autoniminë e pushtetit loka. “Me ardhjen si kryeministër të ish kryebashkiakut prej 11 vjetësh, ka ndodhur e kundërta. Ajo që ka dashur prej 11 vjetësh, jo vetëm nuk ka ndodhur por ka ndodhur e kundërta, ai e mohoi, e ktheu në centralizëm”, u shpreh Mziu.

Këtë akuzë ai e bëri pasi kreu i PD-së Lulzim Basha theksoi se shoqata e të zgjedhurve vendorë që ai përfaqëson do të dërgoi në Gjykatën Kushtetuese të gjitha vendimet që cënojnë autonominë e pushtetit lokal. Basha e mbështeti këtë akuzë nga vendimet që ka marrë Këshilli Kombëtarë i Territorit i cili ka pezulluar disa vendime të Bashkive ku ndër to ishte pezullimi i pjesëshëm i lejës për Xhaminë e Namasgjas. Kësisoj kjo çështje pritet që të shkoi në “Kushtetuese” pasi Basha e cilësoi në atë kohë vendimin e marrë nga KKT si një akt i pa precendent i cënimit të autonimisë së pushtetit vendor. Krahas kësaj, ky kërrcënim i bërë nga opozita vjen në mënyrë të drejtpërdrejtë për Kryeministrin Edi Rama pasi ai është edhe kryetari i Këshillit Kombëtarë të Territorit.


Shkrimi u publikua sot (31.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

NBA/ Thunder dhe Cavs me pikë të plota, Lakers 'K.O' në Detroit! Fitojnë Golden State dhe Celtics

NBA/ Thunder dhe Cavs me pikë të plota, Lakers 'K.O' në Detroit! Fitojnë Golden State dhe Celtics

5 Nëntor, 13:07