TIRANE- Një ditë pas takimit të krut të PDIU-së  Shpëtim Idrizi me kryeministrin Edi Rama dhe kryeparlamentarit Ilir Meta, PDIU përmes deputetit Dashamir Tahiri është shprehur se kjo forcë politike mbështet reformën territoriale  por kërkon fillimisht konsensusin e dy partive të mëdha politike.

”Ne jemi dakord për ndarjen territorial por duhet të merren vesh dy paritët e mëdha. Partitë e mëdha duhet të marrin pjesë. Ne jemi për konsensusin. “- tha Tahiri në një prononcim për median  para se të niste seanca e sotme parlamentare.
 
I pyetur nga mediat për mundësinë e kalimit të kësaj force politike si aleate e koalicionit të majt deputeti Dashamir  Tahiri u tha se nuk është  diskutuar farë për këtë cështje.

“S’kemi marrë asnjë vendim dhe as nuk kemi diskutuar për kalimin në mazhorancë. “- tha Tahiri duke komentuar edhe takimin e djeshëm mes Idrizit , Ramës e Metës se “Nuk do të ndiqte Idrizin se me kë do të pinte kafe apo jo”

 Redaksia online
(sg/shqiptarja.com)