POP 5

Lajmet më të lexuara të 5 minutave të fundit

Politikë

Reforma zgjedhore,partitë e vogla
bëjnë publike një listë kërkesash

Përmes një deklarate të shpërndarë për mediat partitë e vogla kaë publikuar rezultatet e takimit të zhvilluar sot.  VIDEO
Reforma zgjedhore,partitë e vogla<br />bëjnë publike një listë kërkesash
Përmes një deklarate të shpërndarë për mediat partitë e vogla kaë publikuar rezultatet e takimit të zhvilluar sot.
 
Ben Blushi, Mimozi Hafizi, Nard Nodka, Vangjel Dule, Agron Duka dhe Dashamir Shehu kanë bërë publike 7 kërkesat e tyre dhe u kanë bërë ftesë të gjithë kolegëve parlamentarë t’i bashkohen kësaj nisme.
 
Shtatë kërkesat e tyre janë:
1. Përbërje jopartiake e komisioneve zgjedhore
2. Numërim elektronik të votave
3. Kontroll dhe tavan mbi shpenzimet e partive politike dhe audit ndërkombëtar
4. Ashpërsim të masave për shitblejrjen dhe tjetërsimin e votës
5. E drejtë vote për emigrantët
6. Hapësirë e barabartë mediatike gjatë fushatës
7. Dekriminalizim të listave zgjedhore.
  
Deklarata e plotë 
Ne, një grup deputetësh, përfaqësues të  forcave te ndryshme politike në parlament, zhvilluam sot një takim në lidhje me çështje të reformës zgjedhore.
Nisur nga qëndrimi që mbajti Këshilli i Ministrave të Bashkimit Europian, i cili theksoi rëndësinë e zgjedhjeve, duke e konsideruar këtë si një kusht për hapjen e negociatave me Shqipërinë;

Nisur nga interesi i publikut shqiptar, që kërkon zgjedhje të ndershme dhe garatim të votës, si një kusht për stabilitetin e vendit dhe si një e drejtë legjitime kushtetuese;
Nisur nga shtyrja e pajustifikueshme e Komisionit të Reformës Zgjedhore, i cili në gjashtë muaj dështoi të miratonte ndryshime të domosdoshme të Kodit Zgjedhor;
Nisur nga pamundësia kohore për të ndryshuar sistemin zgjedhor, i cili është thelbi i pabarazisë elektorale;

Ne gjykojmë që ka ardhur momenti të reagojmë publikisht për të sensibilizuar kolegët tanë parlamentarë, insitucionet ndërkombëtare si dhe publikun shqiptar për disa çështje që lidhen me adminsitrimin zgjedhor;

Ne kërkojmë:
1. Përbërje jopartiake e komisioneve zgjedhore
2. Numërim elektronik të votave
3. Kontroll dhe tavan mbi shpenzimet e partive politike dhe audit ndërkombëtar
4. Ashpërsim të masave për shitblejrjen dhe tjetërsimin e votës
5. E drejtë vote për emigrantët
6. Hapësirë e barabartë mediatike gjatë fushatës
7. Dekriminalizim të listave zgjedhore.
 
Ne i bëjmë ftesë të gjithë kolegëve tanë parlamentarë t’i bashkohen kësaj nisme, në mënyrë të veçantë anëtarëve të Komisionit të Reformës Zgjedhore, të cilët duhet të marrin seriozisht kërkesat tona.

Ne do ta vazhdojmë betejën tonë politike në parlament, lidhur me çështjet emergjente të reformës zgjedhore.
Zgjedhjet e lira e të ndershme janë kryefjala e aktivitetit politik në muajt që kanë mbetur.
Zgjedhjet e lira e të ndershme janë kushti i integrimit të vendit tonë në BE.

Redaksia Online
Al.N/Shqiptarja.com
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

24 Nëntor, 08:59