Në një intervistë për BBC, Valls tha se Europa nuk mund të pranojë të gjithë emigrantët që ikin nga luftërat në Siri dhe Irak.
"Përndryshe - tha ai - shoqëritë tona do të destabilizohen totalisht."
Më shumë se një milion emigrantë mbërritën në Evropë vitin e kaluar, duke e bërë shumë udhëtime të rrezikshme.
Sipas kryeministrit francez Evropa duhet të ndërmarrë veprime urgjente për të kontrolluar kufijtë e saj të jashtëm.
I pyetur në lidhje me kontrollet kufitare brenda Evropës të vendosura nga disa shtete, duke rritur frikën për fundin e zonën Shengen, Valls tha se vetë koncepti i Evropës tani ishte në rrezik shumë të madh.
Megjithëse jo drejtpërdrejt ai kritikoi politikën e dyerve të hapura e ndjekur nga kancelarja gjermane Angela Merkel.
"Një mesazh që thotë " Ejani, ju do të jeni të mirëpritur "provokon ndryshime të mëdha" - theksoi Valls.
Ai tha gjithashtu se Franca do të mbajë gjendjen e jashtëzakonshme deri sa të përfundojë lufta kundër Shtetit Islamik. Kjo masë është marrë nga autoritetet franceze pas sulmeve të 13 nëntorit në Paris, ku u vranë 130 persona.
Redaksia Online
(Gre.M/Shqiptarja.com)