Fillimi i procedurës administrative për marrjen e masës disiplinore ndaj Drejtorit të I.E.V.Penale Shën Koll, z. Kastriot Piroli, për shkak të vendosjes nga ana e funksionarit publik të burimeve njerëzore të administratës publike në favor të një subjekti të caktuar politik.

Marrjen e masave për mospërsëritjen në çdo lloj forme apo mënyre në të ardhmen e ndikimit politik nga ana e administratës së IEVP Shën Koll, në vullnetin e të dënuarit/paraburgosurit zgjedhës, me qëllim votimin e tij në favor të subjekteve politike pjesmarrëse në zgjedhje vendore apo qëndrore

Marrja e masave urgjente për zgjidhjen në një kohë sa më të shpejtë të situatës konfliktuale në Godinën 2, “Siguria e Zakonshme” në IEVP Shën Koll, Lezhë.

Marrjen e masave urgjente për përmirësimin e cilësisë së ushqimit në IEVP Shën Koll, Lezhë, si dhe ushtrimin e kontrolleve nga ana e strukturave përkatëse të DPB, me qëllim nxjerrjen e përgjegjësive individuale ndaj personave që mbulojnë këtë aspekt të funksionimit të IEVP-së

Marrjen e masave për uljen e mbipopullimit në të gjithë sektorët e sigurisë së zakonshme në IEVP Shën Koll, Lezhë.