Rekord infektimesh me COVID-19 në Kosovë, regjistrohen 562 raste të reja dhe 2 viktima në 24 orë

KOSOVË- Një numër rekord infektimesh me COVID-19 është regjistruar ditën e sotme në Kosovë që pas shfaqjes së variantit delta në vend. Si rezultat i 5.272 testimeve, në 24 orët e fundit janë regjistruar 562 raste infeksioni me COVID-19, ndërsa 2 persona kanë ndërruar jetë.

Instituti i Shëndetësisë Publike bën e dije se 78 qytetarë janë shëruar nga virusi, ndërsa që nga fillimi i pandemisë në vend 105.843 persona kanë arritur ta fitojnë luftën me koronavirusin.

Numri total i infektimeve ka shkuar 110.756, ndërkohë që ai i viktimave është 2.273 në të gjithë vendin që nga fillimi i pandemisë. Ndërkaq, numri i rasteve aktive në vend është rritur ndjeshëm, ku përkatësisht në të gjithë vendin numërohen 2.640 qytetarë me koronavirus.

LEXO EDHE:
Deputeti i LDK-së: Kurti ka blerë 582 milionë € energji në bashkëpunim me kompani serbe! Në dialogun me Serbinë sillet si ‘one man show'

Në lidhje me numrin e qytetarëve që janë vaksinuar kundër COVID-19, IKSHKP bën me dije se 17.085 qytetarë kanë marrë dozën e vaksinës anti-COVID në 24 orë. Që nga fillimi i procesit të vaksinimit në muajin mars, 504.817 persona janë vaksinuar gjithsej, ndërsa 170.852 prej tyre i kanë marrë të dyja dozat e vaksinës.

TAG:
• kosove
• Koronavirus
• Viktimat Covid

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq