POP 5

Lajmet më të lexuara të 5 minutave të fundit

Ekonomi

Rekord shifrat e energjisë elektrike, INSTAT: Prodhimi vendas u dyfishua, humbjet në rrjet ulen 7.6%

Shifrat e energjisë elektrike sipas INSTAT janë dyfishuar. Prodhimi vendas gjatë tremujorit të dytë ka patur rritje, ndërkohë që edhe humbjet në rrjet janë ulur.
Rekord shifrat e energjisë elektrike, INSTAT: Prodhimi vendas u dyfishua, humbjet në rrjet ulen 7.6%

Foto ilustruese

Gjatë tremujorit të dytë të vitit 2018, energjia elektrike në dispozicion u rrit me 1.6%. Prodhimi neto vendas i energjisë elektrike në këtë periudhë pothuajse u dyfishua, duke arritur vlerën 2.7 miliardë kilovatorëve nga 1.4 miliardë të prodhuar në tremujorin e dytë të vitit 2017. Ky prodhim i energjisë elektrike u realizua nga hidrocentralet publike në masën 66.3% të prodhimit neto vendas dhe nga hidrocentralet private dhe koncensionare që realizuan 33.7% të prodhimit neto vendas të energjisë elektrike.

Rritja e prodhimit të energjisë elektrike, në tremujorin e dytë të vitit 2018, ka ndikuar në uljen e importeve bruto të energjisë elektrike (energji në marrje) me rreth 3.3 herë dhe rritjen e eksporteve bruto të energjisë elektrike (energji në dhënie) me rreth 6.5 herë, krahasuar me të njëjtën periudhë të një viti më parë.

Gjatë tremujorit të dytë të vitit 2018, humbjet në rrjet kanë arritur vlerën 394 milionë kilovatorë, nga 426 milionë që ishin në tremujorin e dytë të vitit 2017, duke shënuar kështu një rënie me 7.6%. Humbjet në shpërndarje janë ulur me 17.7%, si rrjedhojë e uljes së humbjeve jo teknike në shpërndarje.

Përdorimi i energjisë elektrike nga konsumatorët, në tremujorin e dytë të vitit 2018, u rrit me 4.6%, duke arritur vlerën 1.4 miliardë kilovatorë, nga 1.3 miliardë që ishte në tremujorin e dytë të vitit 2017.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03