Disa zona të Tiranës, Shijakut dhe Shkodrës do të mbeten pa energji elektrike për disa orë ditën e sotme, si pasojë e disa punimeve që do të kryhen në disa nënstacione të kryeqytetit.
 
CEZ shpërndarje ka njoftuar se si rrjedhojë e remonteve që do të kryhen në nënstacionin Traktora në kryeqytet, nga ora 09:00 deri në orën 15:00, do të mbeten pa energji elektrike zonat: Kodra e Kokonozëve, ish-Parku Komunal, Pallatet pranë Oxhakut tek Shkolla e Bashkuar, Rr ''Mihal Grameno'', Rr ''Sali Nivica'', zona pranë Poligrafikut, Kodra e Metallve, Kodra e Priftit,  zona pranë Depos së Ujit, Zona përreth Sanatoriumit, Shkozë, zona pranë Uzinës Traktori, Firma ''Betonit Sina 98''.

Po ashtu si rrjedhojë e remonteve në nësnstacionin e Shijakut do të mbeten pa energji nga ora 09:00 deri në orën 15:00 disa komuna në Shijak si: Gjepalë, Romanat, Greth, Shkallnur, Likesaj, Radio Stacioni Shijak, Shainaj.

Ndërsa në Shkodër, remontet në nënstacionin e e Dobracit do të lënë pa energji elektrike sot dhe nesër nga ora 10:00 deri në orën 14:00 disa lagje si Kiras, Lopçej dhe Pularia.

Redaksia Online
(e.c/shqiptarja.com)